Publicado en Día de...

Día Internacional de la Tierra

Güei, vienres 22 d’abril, celébrase’l Día de la Tierra, una xornada cola que pretende concenciase a tola población sobro la necesidá de protección del mediu ambiente, la naturaleza y la so biodiversidá. Afaya cómo surdió esta celebración y cómo puedes celebrar el Día mundial de la Tierra 2022.

La ciencia ye unánime: entá tamos a tiempu, pero ye necesariu actuar yá. Cada vez ye más evidente que tenemos de camudar la nuesa relación cola naturaleza para siguir esfrutando de los beneficios que nos apurre. Agora!!!

 

 

Como cada añu dende 1970, el mundu celebra’l Día de la Tierra, una fecha que col tiempu foi coyendo relevancia: énte’l deterioru del nuesu planeta, díes como’l de güei recuérdennos la importancia de potenciar la conciencia medioambiental. Na actualidá esta cuestión, con relación al cambéu climáticu, centra l’atención de l’Axenda 2030 pal Desenvolvimientu Sostenible, la que recueye 17 oxetivos aprobaos en 2015 por tolos Estaos Miembros de les Naciones Xuníes.

L’efectu del cambéu climáticu tien un fuerte impactu nel planeta deteriorándolo, pero tamién sobro les nueses vides, yá que afecta descomanadamente a nuesa salú. Por ello, amenorgar les emisiones de gases que provoquen l’efectu invernaderu sigue siendo unu de los oxetivos principales na llucha contra’l cambéu climáticu y pa la protección del nuesu planeta.

Xuna de les consecuencies directes que sufre la Tierra ye’l destemple de los polos, pero tamién hai que tener en cuenta otros aspeutos derivaos del so maltratu: la estinción d’innumberables especies d’animales y el deterioru del so hábitat, la *deforestación de millones d’hectárees de montes o los elevaos niveles de contaminación. Estos son solo dalgunos de los motivos qu’enllenen el Día Internacional de la Tierra (o Earth Day) de necesaries reivindicaciones cada 22 d’abril.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *