Aullida inédita de Shakira con Bizarrap en Jimmy Fallon: más lloba que nunca

L’artista fixo una referencia a una de los sos cantares más conocíos. La colombiana y l’arxentín trunfaron n’Estaos Xuníos. Fonte: La Vanguardia

La BZRP Music Session #53 sonó per primer vegada en directu. Shakira y el productor Bizarrap protagonizaron una de les actuaciones más esperaes del añu nel programa The Tonight Show Starring Jimmy Fallon, unu de los más populares d’Estaos Xuníos y que s’emite en directu de llunes a vienres na NBC.

• Enllaz / Actuación /

La cantante colombiana y el productor arxentín fueron los terceros convidaos del show tres Lucy Liu y Damson Idris. Na entrevista, Shakira confesó que Milan, el so fíu mayor, tuvo un papel bien importante a la de que’l cantar produxérase, ente que tamién recordó qu’esti ciclu de cantares sirviéronlu como terapia para poder superar la traumática separación de Gerard Piqué.

Yá na so actuación, Shakira interpretó unu de les temes del 2023 empezando con una gran aullida – que nun sale nel cantar orixinal – faciendo referencia al versu Una lloba como yo nun ta pa’ tipos como tú, pero amás recordando a la esitosa Lloba, que salió publicada en 2009.

La mesma Shakira yá dixo en 2010 que’l mensaxe ta claro con esti axetivu «Vivimos nuna sociedá que pretende negar y reprimir los deseos de les muyeres munches vegaes, o aquellos deseos colos que tamos en contactu y xenérennos culpa […] hai una lloba en cada muyer y que somos muyeres del nuesu tiempu, en control del nuesu destín, qu’engarramos polos nuesos suaños y la realización de los nuesos deseos, anque quieran negalos».

L’actuación en tierres estadounidenses foi tou un ésitu y la barranquillera dexó claro por qué ye una de les cantantes llatines más influyentes del mundu. Shakira tuvo arrodiada por públicu hispanu, que cantó con ella toa’l cantar. Nesti sentíu, Shakira averose a los sos fans en plena actuación, abrazáronse y dexó que cantaren a plenu pulmón dalgunes de les partes más representatives del cantar.