Publicado en Día de...

Día Internacional de los Neños Víctimes Inocentes d’Agresión

El 4 de xunu conmemora’l Día Internacional de los Neños Víctimes Inocentes d’Agresión. El propósitu del día ye reconocer el dolor que sufren los neños en tol mundu que son victimes de maltratos físicos, mentales y emocionales.

Segundu puntu de la Declaración de los Derechos del Neñu:

“El derechu a tener una protección especial para’l desenvolvimientu físicu, mental y social del neñu en condiciones de llibertá y dignidá”.

El propósitu del día ye reconocer el dolor que sufren los neños en tol mundu que son víctimes de maltratos físicos, mentales y emocionales.

La murnia realidá ye que nes guerres y los conflictos armaos son los neños, los miembros más vulnerables de la sociedá, los que más sufren les consecuencies. Los neños son víctimes del reclutamientu como soldaos, l’homicidiu, la violencia sexual, el secuestru, los ataques contra escueles y hospitales, según l’ausencia d’ayuda humanitaria.

Día Internacional de los Neños Víctimes Inocentes d’Agresión (en conflictos armaos). Fecha proclamada pola ONU, que pretende consiguir la protección de los neños y neñes en situaciones de guerra y conflictos.

Foi instituyíu poles Naciones Xuníes para concientizar sobro los neños que son reclutados como soldaos y víctimes d’homicidiu, violencia sexual, secuestros o desplazamientos forzosos fora de los sos llares, incluyida la separación de les sos families.

N’agostu de 1982, l’Asamblea Xeneral de la ONU nel so periodu de sesiones d’emerxencia sobro la cuestión de Palestina, quixo faer daqué col inmensu problema del gran númberu de neños palestinos y llibaneses que fueren víctimes de los actos d’agresión d’Israel, y decidió conmemorar esta fecha.

L’oxetivu ye promover el sofitu a esta causa en favor de los neños víctimes de les situaciones béliques. Güei inda vemos cómo nos conflictos militares y civiles son atacaes escueles y hospitales, con neños nel so interior. Según UNICEF, más de 230 millones de neños viven en zones afectaes por conflictos armaos. Unu de cada diez neños en tol mundu. L’Axenda 2030 pal Desenvolvimientu Sostenible inclúi la meta de poner fin a toles formes de violencia contra los neños.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *