Publicado en Alimentos, Sidre

Empiecen les degustaciones d’Asturies Sidra Brut

Empiecen les degustaciones d’Asturies Sidra Brut na Canal Alimentación.


➡Mientres los próximos díes podrán tastiase les sidres naturales esplumoses participantes: El Gaiteru Etiqueta Negra, Pomarina y Valle Ballina y Fernández, Emilio Martínez, Poma Áurea, Prau Monga, Ramos del Valle y Solaya, nos siguientes establecimientos
◾️Xueves 16: Alcampo Xixón de 18 a 21 h.
◾️Vienres 17: Aramburu, Cultura Gastronómica Uviéu de 18 a 21 h.
◾️Xueves 23: Alcampo Xixón, de 18 a 21 h.

Tienes ganes de Sidra? Estes navidaes brinda 🍾🥂 con Sidra Natural Esplumosa “Sidra d’Asturies” y esfruta d’un productu natural y 100 % asturianu! Recuerda qu’hasta’l 6 de Xineru puedes esfrutar d’ASTURIES SIDRA BRUT en mas de 200 establecimientos partíos por toa Asturies, descárgatelos en https://bit.ly/3pH5gud

Trátase xeneralmente d’una sidra seco, tipu brut. Color pálido amarellao con rellumos doraos, burbuya fino y constante d’evolución lenta que forma corona marcada. Arumes de calter frutal n’harmonía con notes tostaes que suxeren madera. El so tastu ye’l d’un productu secu, con acidez llixero y baxu n’alcohol, con frescor que perdura.

Unu de los métodos para ellaborar sidra natural esplumosa ye’l de doble fermentadura en botella. 🍾

➡Mientres esti tiempu degrádense les lleldos, lo qu’ameyora les característiques organolépticas, aumenta la complexidá arumosa y la calidá de la burbuya.

➡Na semeya podéis ver una partida de botelles en pupitres, onde son removíes a mano adulces para mover enguedeyar escontra’l pescuezu de la botella, d’onde van ser espulsaes por aciu el degüelle.

La sidra natural esplumoso llógrase, como diximos, per aciu d’una segunda formentadura nun recipiente zarráu. D’esta miente’l gas carbónico presente na sidra natural esplumoso con denominación d’orixe ye siempre endóxeno, nunca amestao. En función del recipiente nel que se completa esta segunda formentadura, tenemos dos métodos d’ellaboración: el métodu tradicional y el métodu Charmat.

Nel métodu tradicional o champenoise partimos de la sidra base clarificao, a lo que se-y amiesta’l llicor de tiraxe (azucre y lleldu) enantes de proceder al embotelláu. La sidra fai la segunda formentadura en rimes (xaules con capacidá pa unes 500 botelles) dellos meses, pasándose dempués a completar l’avieyamientu en pupitres. Equí les botelles van voltiándose y entornándose hasta quedar en posición cuasi vertical, cola borra que se produz na formentadura acumulao nel bocal. Per último faise’l «degüelle», procesu que consiste en conxelar el bocal de la botella cola borra y abrila darréu. La propia presión del interior del recipiente echa’l xelu xunto a una cantidá pequeña de llíquidu, que se recupera amestando’l llicor d’espedición.

Pa facer sidra natural esplumoso col métodu Charmat o granvas tamién partimos d’una sidra base clarificao, que se trasiega a un depósitu de presión que contién tamién el llicor de tiraxe. La segunda formentadura tien llugar nesi depósitu, y n’acabando esto fíltriase y embotéllase.

Con cualquiera de los dos métodos llógrase un productu frescu y natural, perfeutu p’acompangar con pescáu, mariscu, aperitivos y quesos. La sidra natural esplumoso sírvese en copa de tulipa y la so temperatura tará ente 6 y 8 graos centígrados.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *