La lluz (del llatín lux, lucis) ye la parte de la radiación electromagnético que puede ser percibida pol güeyu humanu. Un 16 de mayu ,en 1960, producíase la primer emisión de lluz láser llograda por Theodore Maiman. De magar, la ciencia de la lluz revolucionó’l nuesu mundu. Esti día recuérdanos la so importancia en tantos aspeutos de la nuesa vida. Dende la salú y el bienestar hasta la tecnoloxía.
La lluz fai posible avanzar en ciencia, cultura, arte, educación, desenvolvimientu sostenible. El Día Internacional de la Lluz surde como una idea tres la celebración del Añu Internacional de la Lluz y les Tecnoloxíes Basaes na Lluz que tuvo llugar en 2015. Mientres dichu añu surden collaboraciones y contactos ente líderes del sector tecnolóxicu y científicu de la lluz. Pa caltener, impulsar y aguiyar dicha relación propónse la creación del Día Internacional de la Lluz.
La fecha foi promulgada mientres xuna Conferencia Xeneral de la UNESCO. Esta decisión foi aceptada de manera unánime y tamién conmemora’l día en que per primer vegada un láser foi puestu en funcionamientu.
Esti importante eventu foi posible gracies a les investigaciones y trabayu del reconocíu físicu Theodore Maiman, quién foi l’inventor d’un láser de rubí, que tenía la capacidá de producir emisión aguiyada de radiación.
Dende los rayos gamma hasta les ondes de radiu, l’espectru de la lluz bríndanos conocencies importantes sobro l’orixe del universu, sobro les tecnoloxíes n’ámbitos tan diversos como la medicina, l’agricultura, la enerxía y pa la protección del patrimoniu cultural.
Amás, la lluz tuvo xuna repercusión significativa nes artes visuales y escéniques, la lliteratura y el pensamientu.
La lluz tuvo pal home xuna gran cantidá de ventayes, siendo les más relevantes les que se detallen de siguío:
- La lluz foi la principal precursora de la lluz artificial.
- Dexó’l desenvolvimientu científico y tecnolóxico.
- Sirvió p’ameyorar la calidá de vida de los seres humanos.
- Ye xuna fonte d’enerxía vital pa la vida y el desenvolvimientu de toles especies qu’habiten la Tierra.
- Al traviés de la lluz púdose estudiar l’orixe del universu.
