Publicado en Curiosidaes, NATURA

Afayen una nueva especie de gecko neón que relluma cola lluz de la Lluna

Un gecko apocayá afayáu nel desiertu de Namibia reacciona con luz neón de tonalidaes verdes a la lluz de la Lluna.

Nes fondures más inaccesibles para la vida humana del desiertu de Namibia, la vida efervesce en tonalidaes distintes. Apocayá, l’afayu d’un gecko con franja neón que rellumen na escuridá captó l’atención de la comunidá internacional.

Nunca antes na hestoria de la bioloxía catalogárase un animal vertebráu que la so piel emitiera una lluz verde a la lluz de la Lluna. Muncho menos sobre la superficie terrestre. Según especuló l’equipu de científicos que condució l’estudiu sobro esta especie, esta luminiscencia ye productu de qu’estos llagartos son capaces d’absorber la lluz azul que se reflexa del nuesu satélite natural.

Una llagartesa neón gecko  Semeya: Getty Images

La fluorescencia inherente a esti gecko de Namibia produzse cuando l’animal entra en contactu cola lluz que la Lluna reflexa del Sol. Ye capaz d’absorbela, pa depués emitir un llargor d’onda más llarga a partir de secreciones químiques na so piel. Un pigmentu específicu sobre ésta, enllena de cristales de guanina, ye’l que-yos dexa rellumar d’esta manera.

De manera xeneral, estes llagarteses pueden atopase en llechos de ríos que s’ensugaron, o ente les dunes del desiertu namibio. Pueden llegar a midir ente 10 a 15 centímetros de llargu, según la Universidá de Michigan, y les sos pates palmotiaes tán diseñaes naturalmente pa escavar sable bien finu. Colúmbrase-yos más comúnmente nes altes hores de la nueche, yá que destaca pola so brillantez natural.

Suxurímoste: Resuelven el misteriu de los camarones que salen a caminar pela tierra mientres la nueche Una rellumada oculto gecko

Palmatogecko atopáu nel desiertu de Namibia, según vese mientres el día. Semeya: Getty Images

El casu d’estos geckos llegó hasta Alemaña, onde Mark Scherz, investigador postdoctoral del Adaptive Genomics Group de la Universität Potsdam, estudia a fondura xuntu con dellos colegues sos. De magar, yá se sabía que los camaleones tienen güesos que rellumen al traviés de la piel. Con esti antecedente, los científicos empezaron buscar rellumaes ocultes n’otros reptiles y anfibios. Asina dieron colos geckos neón, según señaló Scherz:

“En realidá, resulta que dalgunes otres especies, incluyíos los geckos, tienen una piel lo suficientemente tresparente como por que la fluorescencia de los sos güesos pueda vese al traviés d’ella so una lluz ultravioleta lo suficientemente fuerte”.

Denominóse-yos como P. rangei geckos dempués de que David Prötzel, autor principal d’esti estudiu, llevárase una sorpresa cuando allumó’l so espaciu de trabayu con una lluz ultravioleta. Dempués d’analizar a otros 55 exemplares, los científicos alemanes concluyeron qu’esti fenómenu nun estrema ente sexos nin edá, yá que pudieron repara en moces y adultos por igual.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *