N’España esisten diverses figures de protección de los espacios naturales: 🏞️ 15 Parques Nacionales. / 🏞️ 152 Parques Naturales. / 🏞️ 291 Reserves Naturales. / 🏞️ 342 Monumentos Naturales. / 🏞️ 57 Paisaxes Protexíos.
/
El 24 de mayu celebra’l Día Européu de los Parques Naturales. Foi’l 24 de mayu de 1909 cuando se declararon en Suecia los primeros parques naturales n’Europa. Para conmemorar esti día, la Federación EUROPARC, organización paneuropea creada en 1973 qu’axunta a instituciones dedicaes al caltenimientu de la naturaleza y a espacios naturales protexíos de 38 países, promueve dende 1999 la celebración del Día Européu de los Parques Naturales.
La Federación de Parques Naturales y Nacionales d’Europa (EUROPARC), qu’apigura casi 400 miembros pertenecientes a 36 estaos, celebra esta efeméride anguaño sol lema: «Parques: la próxima xeneración».
Por cuenta de la celebración del día européu de los Parque Naturales faemos un percorríu por dalgunos de los parques más importantes qu’hai n’España.Viaxes.Estos son los 15 Parques Nacionales que tenemos n’España
N’España hai una rede de 15 parques nacionales y 130 parques naturales. La declaración de parque natural faelo´l gobiernu autonómicu ente que la de parque nacional correspuende al gobiernu de la nación, amás cunten cola reconocencia internacional.
Un parque nacional tien de cumplir unes característiques impuestes pola Rede de parques naturales y que tien en cuenta’l caltenimientu, la representatividá de la flora y fauna y haya poca intervención del home. Son llugares d’altu valor natural y cultural. Un parque natural ye un espaciu de menor importancia pero que tamién tien de ser calteníu pol so altu valor natural.
