Un tríu d’arpa, oboe y fagó de la orquesta va abrir mañana’l programa na Casa de Cultura de Murios del Nalón. Nesta temporada, cinco formaciones de cámara de la sinfónica van visitar seis localidaes asturianes: Uviéu, Murios del Nalón, Uviéu, Villaviciosa, Grau, Tinéu y Ribesella
La Orquesta Sinfónica del Principáu d’Asturies incorpora a la programación que la Conseyería de Cultura, Política Llingüística y Turismu del Principáu d’Asturies ta desenvolviendo por cuenta de la celebración del Xacobéu 21. Esti eventu, declaráu acontecimientu d’escepcional interés públicu, va acoyer una programación continua y orixinal a lo llargo de too l’añu.
L´OSPA empecipia mañana EN CAMÍN con un conciertu na Casa de Cultura de Murios del Nalón (19:00 hores) al que va asistir el Director Xeneral de Cultura y Patrimoniu, Pablo León. Les próximes cites d’EN CAMÍN son les siguientes:
- 24 de marzu. Uviéu (Muséu Arqueolóxicu d’Asturies).
- 21 d’abril. Villaviciosa (Ilesia de la Oliva).
- 18 de mayu. Grau
- 15 de xunu. Tinéu
- Xunu. Ribeseya
La programación EN CAMÍN va siguir con otres formaciones de l´OSPA na temporada 2021-2022. Tolos conciertos celébrense cumpliendo la normativa de seguridá vixente, l’aforu de los conciertos d’EN CAMÍN va tar amenorgáu para caltener la distancia social.