Publicado en TIEMPU

Estáu del tiempu: Vienres 14 de xineru

Bonos díes, bona xente.
Alborecemos col cielu escampláu y xelando na mayor parte d’Asturies con unes temperatures que tan alrodiu de los 0ºC, rexistrándose nel puirtu Payares -0,9ºC.
Güei vamos seguir col cielu escampláu con xelaes n’alborada que mos dexarán una mañana fría, nun sedrá hasta primera hora de la tarde cuando la llume del sol calezca l’ambiente y suba les temperatures. L’aire sedrá sele y variable.

El prósimu riscar les xelaes van ser más abondoses, sobre too en zones de montaña onde tendremos un descensu de les temperatures. Durante’l día l’ambiente seguirá siendo mui fríu a pesar del sol y a últimes hores dirá surdiendo dalgo de nubosidá alta. L’aire seguirá siendo sele ya variable.
El domingu tendremos el cielu dalgo empuercáu de nubosidá alta que fadrá que la nueche nun seya tan fría como l’anterior anque les xelaes seguirán presentes, nun sedrá hasta’l riscar del llunes cuando tengamos un ascensu moderáu de les temperatures con ausencia yá de xelaes, amás estos dos día les temperatures másimes van ser muncho más suaves y afayaices.
De momentu nun se ven camudos importantes na circulación atmosférica y seguiremos baxo la proteución del anticiclón.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *