📆 26 d’abril. 19:00 hores. Día Internacional de Concienciación sobro’l Ruiu.
- ℹ️ Información n’inscripciones.
- Fonte: Conceyu d’Uviéu /
- Escuela Municipal de Sostenibilidá: 684 69 02 42 /
escuelasostenibleoviedo@gmail.com/ Facebook
- Na cai ensin ruiu
Acción na cai pa sensibilizar a los ciudadanos sobro’l problema del ruiu cola collaboración de Ye too ponese.
Plaza de los Maestros. Díes 27 y 28 d’abril. De 18:00 a 19:30 h.
- Concurso-esposición de cartelos: Uviéu Ensin ruiu Suena Meyor en mupis dixitales d’Uviéu
Escolares d’educación primaria. Del 24 al 30 d’abril
- Construyimos el nuesu paisaxe sonoro
Talleres p’alumnáu d’ESO. Díes 25 y 26 d’abril
La Escuela Municipal de Sostenibilidá naz a finales del añu 2017 coles mires de sopelexar el desenvolvimientu sostenible y formar a la ciudadanía en materia de mediu ambiente. El proyectu surde dende la Conceyalía d’Urbanismu y Mediu Ambiente del Conceyu d’Uviéu, concibiéndose como una ferramienta de participación n’actividaes motivadores y arriquecedores pa tola sociedá uvieina.
A lo llargo de too l’añu promueve la educación y la sensibilización ambiental por aciu distintes actividaes ente les que s’inclúin la celebración de díes conmemorativos de calter ambiental, concursos monográficos, visites empuestes a instalaciones y redolaes municipales con gran valor ambiental y realización de documentos informativos pa tola población del conceyu.
Los oxetivos específicos de la Escuela Municipal de Sostenibilidá son:
Sopelexar el conceutu de desenvolvimientu sostenible.
Poner en valor el patrimoniu natural, cultural, artísticu ya históricu presente nel conceyu d’Uviéu.
Promocionar actividaes desenvueltes pol Conceyu d’Uviéu directamente rellacionaos col mediu ambiente.
Impulsar la participación ciudadana en programes medioambientales como parte d’un ociu saludable.
Fomentar vezos de caltenimientu de la redolada más cercana.
