Publicado en Día de...

Día Mundial del Donante de Sangre

/ /

Celebra’l 14 de xunu de cada añu, cola cuenta de sensibilizar y concenciar a la población mundial sobro la importancia de donar sangre, pa contribuyir cola salú de pacientes que riquen tresfusiones.

Coles mesmes, pretende promovese l’establecimientu de sistemes ya infraestructures, destinaes a amontar les donaciones de sangre y productos sanguíneos seguros pa tresfusiones, col sofitu de los gobiernos y les autoridaes sanitaries.

Bancu de sangre

La fecha d’esta efeméride conmemora la nacencia de Karl Landsteiner, patólogu y biólogu austríaco qu’afayó y tipificó los grupos sanguíneos, motivu pol cual concedióse-y el Premiu Nobel de Fisioloxía y Medicina nel añu 1930. Karl Landsteiner (Viena, 14 de xunu de 1868-Nueva York, 26 de xunu de 1943).

Los grupos sanguíneos vienen determinaos por unes molécules que s’atopen na superficie de los glóbulos coloraos denominaos “antígenos”.

Cada tipu de célula desempeña una función distinta:

Les plaquetas: estes célules ensin núcleu intervienen nel cuayamientu de el sangre cuando hai frayatu d’un vasu sanguíneu.
Los glóbulos blancos: tamién llamaos leucocitos, estes célules formen parte del sistema inmunitario del cuerpu, combatiendo les infecciones y enfermedaes.
Los glóbulos coloraos: tamién llamaos hematíes, apurren a el sangre el so color coloráu característicu y encárguense de tresportar l’osíxenu y el dióxidu de carbonu. Los antígenos, presentes na superficie d’estes célules, dan llugar a los distintos grupos sanguíneos.

Los dos sistemes antigénicos más importantes y conocíos son el sistema AB0 y el sistema RH.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *