Toles persones residentes n’Asturies que quieran vacunase deberán dir a los puntos de vacunación col so carné de identidá pa poder recibir la dosis. Paralelamente, la Conseyería de Salú inició la campaña Vacúnate Ho/Vacúnate Ne pa animar a la ciudadanía a recibir la profilaxis.
El Gobiernu d’Asturies va abrir la próxima selmana la vacunación ensin cita acutada pa les 70.000 personas mayores de 12 años que’l Serviciu de Salú nun pudo atopar pa la so inmunización. Ansina, tolos puntos de vacunación alministrarán el xueves 2 de setiembre la profilaxis a les persones con tarxeta sanitaria que nun recibiesen denguna dosis. Amás, el Sespa dispondrá dos unidaes móviles, VACUmóviles, en puntos estratéxicos d’Uviéu y Xixón.
