Martes 23 de xineru / 
19.00 h / 
Patiu del CCAI / 45 min- Cartelu / Oficina N. Llingüística Xixón
Conciertu acústicu (unos 45 min) nel que les hermanes Álvarez (Mar y Alicia) repasen dalgunes canciones venceyaes al llibru “Asturianes”, del que ye autora la propia Alicia.Temes de La Busdonga, Muyeres o Undershakers -toes elles protagonistes d’esta escoyeta de venti muyeres y coleutivos inspiradores- entemécense nesta propuesta musical con composiciones propies de Pauline en la Playa, el proyeutu de pop intimista que lideren estes dos xixoneses dende va 25 años y que tien gran acoyida de públicu y crítica, que -amás- señala a les hermanes como herederes de Vainica Doble.
Alicia Álvarez dedica’l llibru ‘Asturianes’ a muyeres que participaron “na construcción de la nuestra historia”
“Nun ye necesario dir mui lloñe pa buscar referentes femeninos” n’Asturies, apunten dende La Fabriquina, qu’asoleya con ‘Asturianes’ el primer títulu del so catálogu pa un públicu adultu y mozu. Alicia Álvarez, apoyada nes ilustraciones de María Ortiz, allega al llector les vides y conquistes de venti muyeres o coleutivos del país “que contribuyeron colos sos llogros a rozar el camín de la igualdá”.
Aida Lafuente, Margarita Salas, Corín Tellado, les cigarreres, Xosefa Xovellanos, la Busdonga o Rosa Fernández son dalgunes de les asturianes que protagonicen esti proyeutu nuevu de la periodista, escritora y música. Persones que “ensin el so inconformismu y la so valentía nun sedría posible recuperar el papel activu que per sieglos se-yos negó a les muyeres na sociedá”, espliquen.
