L’Academia de la Llingua Asturiana (ALLA) preparó un documental sobre Lourdes Álvarez, autora que va recibir el III Premiu Nacional de Lliteratura Asturiana esti vienres 5 de mayu, Día de les Lletres.
«Préstame muncho que se visivilice, por fin, un poco’l trabayu poéticu de les muyeres»
| Distinciones |
|
|
|---|---|---|
Trátase d’una pieza curtia na qu’otros escritores y espertos conocedores de la obra de la poeta d’Urbiés, percuerren los caminos de la so poesía, analizando la so carrera, les característiques de la so poética y otros elementos como’l so compromisu col asturianu.
Ente los escritores que participen nel documental tán los dos Premios Nacionales anteriores, Xuan Bello y Xuan Xosé Sánchez Vicente, asina como Marta Mori, Roberto González Quevedo, Esther Prieto y l’espertu en lliteratura asturiana Xosé Ramón Iglesias Cueva.
«Ella es mujer poeta sintiente, que se expande cuando acaricia la pluma y se recoge sutil hacia paisajes interiores, con la franqueza y delicadeza de una verdad, leal a su raíz, intensa y reflexiva en cada verso»
Parte de la música del documental ye obra d’Anabel Santiago, artista cola que tien collaborao en delles ocasiones Lourdes Álvarez, poniendo lletra a dalgunos cantares. Na pieza recuéyense tamién semeyes de la vida personal y como escritora de l’autora.
El documental, que va tar disponible na canal de Youtube de l’ALLA’l mesmu Día de les Lletres Asturianes, va preestrenase esti martes, día 2, a les 10.30 hores, con una proyección nel llar de l’Academia a la que ta previsto qu’asista la so protagonista, Lourdes Álvarez, informó Europa Press.
