Publicado en Reconocimientu, Sin categoría

Uviéu, reconocida, un añu más, como Ciudá Amiga de la Infancia

Ser parte de la rede de Ciudaes Amigues de la Infancia implica compartir una mesma visión: que tou neñu, neña y adolescente pueda desenvolvese dafechu nes sos ciudaes y comunidaes, porque’l progresu de la infancia ye’l progresu de toos.

La Secretaría Permanente de la Iniciativa Ciudaes Amigues de la Infancia, conformada por representantes del Ministeriu de Derechos Sociales y Axenda 2030, la Federación Española de Conceyos y Provincies (FEMP), l’Institutu Universitariu de “Necesidaes y Derechos de la Infancia y l’Adolescencia” (IUNDIA) y UNICEF España, alcordó anovar la reconocencia al Conceyu d’Uviéu como Ciudá Amiga de la Infancia nel marcu de la IX Convocatoria de Reconocencies 2021-2025.

Asina-y lo treslladaron al alcalde d’Uviéu, Alfredo Canteli, el presidente de UNICEF España, Gustavo Suárez Pertierra, y la presidenta de la entidá benéfica n’Asturies, María José Plateru.

Na decisión tomada pola Secretaría Permanente de la Iniciativa Ciudaes Amigues de la Infancia foi clave que, nun añu bien difícil, Uviéu tuvo en primer llínea respondiendo a les necesidaes de los ciudadanos, ensin dexar tras a los neños y les neñes.

Esta reconocencia pon en valor el llabor de los Gobiernos Locales, n’alianza con otros actores, y n’especial colos sos destinatarios, los neños y neñes, para protexer y garantizar el cumplimientu de los sos derechos y liderar un procesu continuu d´implementación de polítiques, en cualquier circunstancia, que tienen un impactu tanxible nel so bienestar.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *