Publicado en NATURA

Axenda 2021: fenómenos astronómicos

Axenda 2021: estos son los fenómenos astronómicos que nun tenemos de perder nos
Eclises, agües d’estrelles, superlluna, lluna de nueve y muncho más espéranos en 2021 para esfrutar de los fenómenos de l’astronomía para ver

Los fenómenos de l’astronomía siempres nos sosprienden a toos y nel 2020 tuvimos arrodiaos d’eventos fantásticos como l’Eclís Solar Total qu’asocedió para terminar l’añu, por eso, ye importante que conozas qué va asoceder nel 2021 por que vaigas preparando la to axenda col universu.

Te traemos equí’l calendariu completu de los fenómenos como agües d’estrelles, eclises y más que nos esperen para’l 2021.

ASTRONOMÍA NEL 2021, ¿QUÉ VER?

XINERU: Agües d’estrelles, Mercuriu y Lluna
2 y 3 de xineru: Agua d’estrelles Cuadrántidas. Créese qu’esta agua ye producida polos restos de la cometa 2003 EH y los sos rellumos surden dende la constelación Bootes.
24 de xineru: Máxima elongación oriental de Mercuriu. Observación favorable para esti planeta que de normal ye malo de captar a güeyu.
28 de xineru: Lluna de llobu. La Lluna va tar allugada nel llau opuestu de la Tierra como’l Sol y la so cara va tar dafechu allumada en fase llena.

FEBRERU: Lluna de Nieve

27 de febreru: Lluna Nieve. Esta lluna llena yera conocida asina poles primeres tribus natives americanes porque les nevaes más fuertes xeneralmente cayíen mientres esta dómina del añu. El 27 De Febreru ye Lluna Llena.

MARZU: Mercuriu, Venus, Lluna llena. Lluna llena de viermes va asoceder en marzu

6 de marzu: Máxima elongación occidental de Mercuriu. Ye’l meyor momentu para reparalo xusto antes del amanecer.
20 de marzu: Equinocciu de primavera. La primavera oficialmente va entrar a les 09:27 UTC nel hemisferiu norte, y la seronda nel hemisferiu sur.
20 de marzu: Máxima longación occidental de Venus. Este ye’l meyor momentu pa ver Venus.
28 de marzu: Lluna llena de viermes. Recibe esi nome porque según les tribus natives , esta yera la dómina del añu en que la tierra empezaría a allandiase y los merucos de tierra remaneceríen.

ABRIL: Agua d’estrelles y Superluna

22 y 23 d’abril: Agua d’estrelles Líridas. Los rellumos de la Líridas provienen de partícules de polvu dexaes pol cometa C/1861 G1 Tatcher. El so ralu va dende’l 16 al 25 d’abril, col so puntu máximu ente la nueche del 22 y la madrugada del 23.
27 d’abril: Superluna Rosa. La primera de trés superlunas que nos depara’l 2021. El nuesu satélite va tar más cercanu a la Tierra, asina que va paecer más brillosa y grande de lo normal.
MAYU: Agua Eta y Llunes

6 y 7 de mayu: Agua Eta Acuáridas. Esta agua de meteoritos supera a la media, produz alredor de 60 meteoros per hora nel so puntu más altu. Con un periodu que va del 19 d’abril hasta’l 28 de mayu.
26 de mayu: Superluna de Flores. La Lluna va tar allugada nel llau opuestu de la Tierra como’l Sol y la so cara va tar dafechu allumada. La segunda superluna del 2021, va tar cerca del so aproximamientu más cercanu a la Tierra y puede paecer un pocu más grande y brillante de lo habitual.
26 de mayu: Eclís total de lluna. El primeru de dos clises llunares y l’únicu total del añu.

XUNU: Eclís, Branu y Lluna de Fresa

10 de xunu: Eclís solar anular. Asocede cuando la Lluna ta demasiao llueñe de la Tierra pa cubrir dafechu’l Sol.
21 de xunu: Solsticiu de branu (hemisferiu norte)
24 de xunu: Superluna de Fresa. La postrera de los trés superlunas del 2021. Conózse-y como Lluna de la Fresa, gracies a que les tribus natives americanes señalaben esta dómina del añu pa recoyer la fruta maduro. Tamién coincide col picu de la temporada de collecha de freses

XUNETU: Luna Ciervo, Agua d’estrelles El primeru de dos clises llunares y l’únicu total del añu

4 de xunetu: Lluna llena del venáu.
28 y 29 de xunetu: Agua d’estrelles Delta Acuáridas. L’agua cuerre añalmente del 12 de xunetu al 23 d’agostu.

AGOSTU: Saturno, Xúpiter, Agua d’estrelles y Lluna Azul2 d’agostu: Saturno n’oposición. Va Ser el meyor momentu pa ver y fotografiar a Saturno y les sos llunes.
12 y 13 d’agostu: Agua d’estrelles Perseidas. Ye una de les principales agües de meteoros del añu, con 60 rellumu per hora nel so puntu más altu.
19 d’agostu: Xúpiter n’oposición más cercanu a la Tierra, mientres el Sol alluma intensamente.
22 d’agostu: Lluna Azul. Representa la cuarta lluna llena de la estación, polo que recibe’l nome de Lluna Azul.

SETIEMBRE: Lluna de Collecha y Equinocciu de Seronda

20 de setiembre: Lluna de Maíz o Lluna de Collecha. La Lluna va tar allugada nel llau opuestu de la Tierra como’l Sol y la so cara va tar dafechu allumada. Va Ser la oportunidá pa conectar y atraer tou aquello que sememos mientres l’añu.
22 de setiembre: Equinocciu de seronda

OCHOBRE: Agua d’estrelles Dracónidas y Lluna de Sangre

7d’ochobre: Agua d’estrelles Dracónidas. Ye de les agües menores del añu, con tan solo 10 rellumu per hora.
20 d’ochobre: Lluna de Sangre. La Lluna va llegar a la so fase llena y va tar allugada nel llau opuestu de la Tierra cola so cara dafechu allumada.
21 y 22 d’ochobre: Agua d’estrelles *Oriónidas. Ye producida polos granos de polvu que dexó la cometa Halley, cuerre añalmente del 2 d’ochobre al 7 de payares.

PAYARES:

4 y 5 de payares: Agua d’estrelles Táuridas. Esta agua ye pequena y solo produz ente 5 y 10 meteoros per hora.
17 y 18 de payares: Agua d’estrelles Leónidas. Esta agua va producir 15 meteoros per hora ente la nueche del 17 y la madrugada del 18.
19 payares: Lluna llena del castor y eclís llunar parcial

AVIENTU:
4 d’avientu: Eclís de Sol total. Asocede cuando la lluna bloquia dafechu al Sol, revelando la formosa atmósfera esterior del Sol conocida como corona.
13 y 14 d’avientu: Agua d’estrelles Gemínidas.
19 d’avientu: Lluna llena. La lluna fría instalase nel cosmos pa recibir oficialmente les nueches llargu y escuru.
21 d’avientu: Solsticiu d’iviernu (hemisferiu norte). La entrada oficial del iviernu (solsticiu d’iviernu) nel hemisferiu norte y el primer día de branu (solsticiu de branu) nel hemisferiu sur llega metanes avientu.
21 y 22 d’avientu: Agua d’estrelles Úrsidas. Lleva’l nome del so puntu radiante, que s’atopa na constelación de la Osa Menor.

Autor:

Maestra de Llingua Asturiana Colexu Carmen Ruiz-Tilve - Uviéu