- Fonte: Cosines de clas /BLOGUE / ONU / UNESCO
El Día Mundial de la Ciencia para la Paz y el Desenvolvimientu ye un eventu añal que se celebra en tol mundu dende l’añu 2002 para recordar el compromisu asumíu na Conferencia Mundial sobro la Ciencia, que se celebró en Budapest en 1999, sol auspicio de la Organización de les Naciones Xuníes pa la Educación, la Ciencia y la Cultura (UNESCO) y el Conseyu Internacional pa la Ciencia (CIC).
El so propósitu ye anovar el compromisu, tantu a nivel nacional como internacional, en favor de la ciencia pa la paz y el desenvolvimientu, y faer fincapié nel usu responsable de la ciencia pal beneficiu de les sociedaes sobremanera, pa la erradicación de la probeza. El Día Mundial tamién tien por oxetu llograr una mayor concienciación na opinión pública sobro la importancia de la ciencia y colmar la brecha esistente ente la ciencia y la sociedá.
