Mansu, noble y fiel. Asina puede definise a unu de los perros que por naturaleza siempres tuvo amestáu a les zones rurales. Desque l’asfaltu nun abondaba nes tierres, el mastín lleonés amás de ser los más valoraos del mundu. siempres tuvo xuníu a la tradición ganadera. En tierres del norte, n’Asturies y Cantabria. Tamién, en tierres estremeñes y sobremanera onde provien el so nome, Llión.
- Fonte noticia: DigitalLeón / Autor: Ganix Alonso
- Mastín español o leones: wiki / semeyes /
Los mastines lleoneses son cariñosos, pero más vale que naide s’avere al so fatáu/rebañu
El mastín español, tamién conocíu como mastín lleonés, ye una raza de mastín (perru guardián de ganáu) orixinaria d’España, onde abonda nes zones rurales.
Tol mundu cuando piensa nestos perros imaxinalos baxando de los montes controlando a una reciella d’oveyes. Los mastines siempres fueron los encargaos de protexer a les oveyes, son indixebrables. Al igual que ye cariñosu coles sos oveyes y los sos pastores, ye protector y si dalgún animal desconocíu avérase puede asoceder una desgracia.
Los pastores que vivieron la dómina del nomadismu compartieron alcordances y anécdotes ente mastines y llobos. Los mastines lleoneses protexíen de tala forma a les oveyes que les menaes de llobos fuxíen espavoríes. Amás de les xornaes interminables nos montes curiando de les oveyes.
Inclusive unu de los mayores depredadores de les oveyes tarrez la so presencia
Los perros, saben cuando atacar a los curiosos. Tocantes a les persones, cuando tán caminando alredor d’una reciella d’oveyes, lo más seguro ye qu’esti llata, pero non ataque a esa persona. Siempres saben cuando’l so fatáu ta en peligru y cuando non, sumando a los llobos, los foinos y los perros amontesaos son los grandes enemigos pa los sos fataos.
Nel so llargu camín dende les camperes del sur hasta’l monte, onde d’antiguo pasaben tol branu había grandes peligros. Ensin cuntar los depredadores que puedan atopase pel camín. Nos montes podíen atopase con escobios y derribadorios nos que los corderos podíen bastiase. El llabor d’este yera protexer a les oveyes non solo de los peligros esternos, sinón que tamién de los mesmos.
El pastor y el mastín siempres van tar xuníos. Anguaño esisten nueves técniques pa protexer y curiar a les oveyes. Pero naide cumple meyor esa función, que’l mastín lleones, que paez que foi creáu pa esti llabor.
