Publicado en Sin categoría

«La Lleenda l´Ablanera»

L’escritor e ilustrador, Enrique Carballeira, espublizó la pasada Navidá ‘La Lleenda de L’Ablanera‘ una hestoria navidiega que va llegar a la sociedá asturiana en forma de llibru electrónicu y una hestoria audiovisual animada. La narración podrá descargase y visionase llibremente, como felicitación para les fiestes.

L’orixe d’esta hestoria ta na collaboración qu’Enrique caltien nestos últimos años col colexu L’Ablanu de Infiesto, presentando llibros y actividaes. «Fai un par d’años que comento cola maestra de Llingua, Xulia Allegre, la posibilidá de crear una hestoria navidiega que tuviera como protagonista un personaxe amestáu a la contorna y al conceyu de Piloña. Trátase de materiales que los escolares pueden trabayar nes clases y que resulten útiles para los maestros», esplica Quique.

Asina, anguaño decidióse a presentar esta lleenda con dos formatos -audiovisual y ebook- que puedan ser fácilmente accesibles al traviés de les redes sociales ya Internet. L’Ablanera vive n’una cabana perdida nun monte, barganal del picu Vízcares. Utiliza-yos ablanes que recueye a la fin del branu como presente para los neños d’Asturies, a los que tamién lleva regalos mientres la Nuechebona. Dicen que llogra percorrer tantos conceyos y contornes gracies a que cunta con xunes madreñes máxiques, que la faen movese a gran velocidá. Para cumplir cola so misión cunta cola ayuda d’un asturcón, llamáu Sueve.

Autor:

Maestra de Llingua Asturiana Colexu Carmen Ruiz-Tilve - Uviéu