Publicado en Día de...

Día Internacional de la Muyer

«Per un mundu nel que síamos socialmente iguales, humanamente distintos y totalmente llibres» Rosa Luxemburgo

La igualdá ye llogru de toos y toes

Yá s’estrenó la píldora virtual dedicada a Clara Peeters, l’artista con mayor presencia nel Muséu del Prau. Estos vídeos, realizaos por Cunta me un cuadru en
collaboración cola conceyalía de Polítiques Sociales con motivu del #8M, tienen como oxetivu visualizar a les artistes maestres del arte.

El Día Internacional de la Muyer originalmente denomináu Día Internacional de la Muyer Trabayadora,​ conmemora la llucha de la muyer pola so participación dientro de la sociedá, de pies d’emancipación de la muyer y nel so desenvolvimientu íntegru como persona. Conmemórase’l 8 de marzu y ye fiesta nacional en dellos países.​ Foi institucionalizáu poles Naciones Xuníes en 1975 col nome de Día Internacional de la Muyer.

Credit: ONU Mujeres/Yihui Yuan.

Les muyeres del mundu deseyen y merecen un futuru igualitariu ensin estigma, estereotipos nin violencia; un futuru que sía sostenible, pacíficu, con igualdá de derechos y oportunidaes para toles persones. Con cuenta de llograr esti oxetivu, el mundu precisa muyeres en toles meses nes que se tomen decisiones.

ONU Muyeres trabaya para emprestar sofitu a toles muyeres que tán na primer llínea de la llucha contra esta pandemia; promueve soluciones llaborales flexibles; y prioriza servicios para prevenir la violencia de xéneru contra muyeres y neñes nel ámbitu priváu.

“Muyeres líderes: Por un futuru igualitariu nel mundu de la Covid-19”

Anguaño, la tema del Día Internacional de la Muyer (8 de marzu), “Muyeres líderes: Por un futuru igualitariu nel mundu de la Covid-19”, celebra los enormes esfuerzos realizaos por muyeres y neñes de too el mundu a la de definir un futuru más igualitariu y la recuperación énte la pandemia de Covid-19, y resalta los defectos que persisten.

Coles mesmes, les muyeres atópense al mandu de la batalla contra la Covid-19, como trabayadores del sector de la salú y en primer llínea, y como científiques, médiques y cuidadores; sicasí, ganen un 11 per cientu menos globalmente en comparanza colos sos homólogos masculinos. Como señala un analís d’equipos de trabayu sobro la Covid-19 de 87 países, solamente’l 3,5 per cientu d’estos teníen paridá de xéneru.

Cuando les muyeres tán al cargu, reparense resultancies positives. Delles de les respuestes más eficientes y exemplares énte la pandemia de la Covid-19 fueron dirixíes por muyeres. Y les muyeres, especialmente les nueves, son quien entamen movimientos diversos ya inclusivos en llínea y na cai a favor de la xusticia social y l’igualdá o la llucha contra’l cambéu climáticu perdayuri del mundu. Sicasí, les muyeres de menos de 30 años d’edá representen menos del 1 per cientu de los parllamentarios a escala mundial.

Por tollo, el Día Internacional de la Muyer d’anguaño ye un clamor a favor de la Xeneración Igualdá, con cuenta d’actuar pa consiguir un futuru igualitariu pa toes y toos. El Foru Xeneración Igualdá, la xunta más importante pa la inversión y l’adopción de midíes pola igualdá de xéneru, va dar empiezu en Ciudá de México ente’l 29 y el 31 de marzu, y va clausurase en París en xunu de 2021. Esti eventu va rexuntar a persones líderes, visionaries y activistes de too el mundu, de manera segura nuna plataforma virtual, con cuenta d’impulsar un cambéu tresformador y duradero pa les xeneraciones vinientes.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *