El 16 de payares ye’l Día Internacional del Flamencu en conmemoración de la fecha en que la UNESCO declarolo Patrimoniu Cultural Inmaterial de la Humanidá, a propuesta de la Xunta d’Andalucía, col sofitu de Murcia, Extremadura y del Gobiernu central español.
El flamencu ye un arte, onde se conxuguen el cante, toque y baille de les distintes cultures que convivieron n’Andalucía nel sieglu XV. Dende entós el so estilu únicu y hestoria tresmitióse de xeneración en xeneración de forma oral.
Nel flamencu esisten dellos tipos de personaxes, el cantante que polo xeneral atópase sentáu y puede o nun tar acompañáu de la guitarra española.
Per otru llau, tenemos al baillador o bailladora, quién por mediu del so cuerpu esteriorizará el sentimientu espresáu na lletra y voz del cantante. En tou momentu, tantu la lletra como’l baille, va tar cargada d’emociones sinceres, palabres sencielles y una espresión única, qu’en xunto van tresportar al espectador escontra otru mundu, el mundu del flamencu.