Publicado en Música

La Casa de la Cultura de Grau homenaxará al artesanu constructor de gaites Diógenes García

Programáronse conferencias cola historia de la gaita asturiana y el primer concursu de gaites col so nome

Entramos nel taller onde Diógenes García fabricó artesanalmente les sos gaites más de 30 años. Nun pisu nel barriu de La Tenderina diseñábales y fabricábales. La so muyer, Pilar, encargábase de les teles. Instrumentos qu’usaben músicos como Xuacu Amieva o los hermanos Tejedor pola so anovación nes técniques constructives.

Esti taller podrá vese na Casa de la Cultura de Grau dende’l 22 d’ochobre. Treslladen les sos pieces, planos y diseños. Amás, programáronse conferencies cola historia de la gaita asturiana en diferentes etapes, actuaciones y el primer concursu de gaites que llevará’l nome de Diógenes García. L’artesanu morrió en 2020.​

Grau homenaxa a Diógenes García con unes xornaes y un concursu de gaita que va llevar el so nome L’artesanu, sobrín del arqueólogu regueranu José Manuel González y que modernizó la construcción del preséu asturianu, protagoniza un ciclu de conferencies y una esposición, que va recrear el so taller na Casa de Cultura moscona.

Na Casa de Cultura de la villa moscona van tener llugar a partir del día 22 d’ochobre les II Xornaes Etnográfiques del conceyu, dedicaes nesta ocasión a Diógenes García González, un constructor de gaites que desenvolvió’l so llabor como artesanu dende finales de los años 80 del sieglu pasáu hasta l’añu 2012 nel barriu de La Tenderina, n’Uviéu.

Diógenes curió mientres más de 40 años na so propia casa la obra y el legáu del so tíu, el polifacéticu regueranu José Manuel González y Fernández-Abarganes, arqueólogu, etnógrafu, filólogu, historiador y profesor de la Universidá d’Uviéu nacíu en Paladín.

Del sábado 22 d’ochobre al martes 15 de payares: Esposición temporal «Taller de gaites Diógenes y Pilar» na Casa Cultura de Grau.

SÁBADU 22 D’OCHOBRE / 17 h. INAUGURACIÓN

  • Actuación Banda de Gaites Naranco.
  • Acto inaugural.
  • Conferencia «Biografía d’un facedor de gaitas, Diógenes García» (Ricardo Soberado)

SÁBADU 29 D’OCHOBRE / 17 h.

  • Conferencia «Panorama de la música tradicional en Asturies l’entamu del Boom de la gaita» (Juan Alfonso Fernández, Director Museo de la Gaita).  Llugar: Salón d’actos de la Casa de Cultura.
  • Conciertu Ruben Alba / Nel de Purnea. Llugar: Capilla de los Dolores.

SÁBADU 5 DE PAYARES / 17 h.

  • Conferencia «De los Cogollos a la impresión 3D» (Pelayo Fernández y y Fonsu Les Regueres).  Llugar: Salón d’actos de la Casa de Cultura.
  • Conciertu Xuacu Amieva. Llugar: Capilla de los Dolores.

SÁBADU 12 DE PAYARES

  • Conferencia «Renovación acústica de la gaita desde los años 80» (Chus Solís).  Llugar: Salón d’actos de la Casa de Cultura.
  • Conciertu Banda Gaites Conceyu de Grau + músicos

DOMINGO 13 DE PAYARES

  • 16 h. Concursu gaiteros/es

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *