Publicado en Asturianu, Concursu, La Reválida, RTPA

El primer Concursu televisivu n’asturianu en «prime time»

El xueves próximu, a les 22.30 horas, va estrenase en TPA La Reválida, el primer concursu n’asturianu en ‘prime time’ (horariu de máxima audiencia) de la hestoria de la televisión asturiana.

Espero que vos preste tanto como me prestó a mi trabayar con tol equipu del programa, n’especial con estes compañeres que tienen un talentu, un arremangu y una enerxía envidiables: l’actriz mierense María Cotiello Pérez (la presentadora), la periodista xixonesa Ángela López y la periodista avilesina Paloma Llera (les directores). Con elles tres too ye más fácil.

En ‘La reválida’ vamos comprobar si munches de les coses qu’estudiamos nel colexu cuando yéremos neños, siguimos recordándoles o fuimos escaeciéndoles pel camín. ‘La reválida’ ye un concursu de cultural xeneral, pero también un programa d’entretenimientu familiar nel que cada selmana tres asturianos y asturianes bien conocíos pol gran públicu regresen al cole pa divertinos, divertise y,sobre too, siguir recordando y deprendiendo.

El nuesu alumnáu va tener qu’enfrentase a diferentes pruebes sobre les materies que s’imparten na educación obligatoria n’España. Van tar estremaes en ciclos que van dir aumentando la so dificultá pasu ente pasu. Amás, en ‘La reválida’ van tener cabida l’humor y la señaldá de “aquellos maraviyosos años”

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *