Publicado en Alimentos, Día de...

2021: l’Añu internacional de la Fruta y la Verdura.

/

Los díes 11 y 12 de setiembre, nel Mercáu Artesanu y Ecolóxicu de Xixón, vamos celebrar que la ONU declaró esti añu 2021  como l’Añu internacional de la Fruta y la Verdura. Proponémoste una forma única de descubrir la güerta ecolóxica d’Asturies al traviés d’un xuegu con premios y muncho más que vas tener que venir a descubrir a la Plaza Mayor.

“Los días 11 y 12 de septiembre, en el Mercado Artesano y Ecológico de Gijón, celebramos que este año 2021 ha sido declarado por la ONU el Año internacional de las Frutas y Verduras. Te proponemos una forma única de descubrir la huerta ecológica de Asturias a través de un juego con premios y mucho más que tendrás que venir a descubrir a la Plaza Mayor”.

2021 ye l’Añu Internacional de la Fruta y Verdura

Al declarar l’añu 2021 como l’Añu Internacional de les Frutes y Verdures, l’Asamblea Xeneral de Naciones Xuníes (ONU) propónse concienciar sobre los beneficios nutricionales y pa la salú de les frutes y verdures y la so contribución a una dieta y un estilu de vida equilibraos y saludables. Tamién quier llamar l’atención sobre la necesidá de reducir les perdes y esperdicios nel sector de les frutes y verdures (ONU, 2020) y, al mesmu tiempu, meyorar los resultaos medioambientales.

Fruta y verdura ecolóxico d’Asturies, elementos esenciales de la to dieta.

Cola actividá del mercáu de setiembre proponémoste una manera única de descubrir la güerta ecolóxica Asturiana.

Cola collaboración del Conseyu de la Producción Agraria Ecolóxica d’Asturies, COPAE y la Oficina de Normalización Llingüística, al traviés d’un xuegu mui prestosu convidámoste a conocer les frutes y verdures de cada temporada y los sos beneficios nutricionales y pa la salú.

Amás l’actividá desarróllase en llingua asturiana. Una esperiencia pa disfrutar con tola familia o coles amistaes.

La “carpa d’actividaes” va ser el puntu de partida de l’actividá. Nella vas atopar un puestu con una muestra de les frutes y verdures en temporada. Araceli, de Huertu Ecológicu Llororeu, va ser la encargada d’apurrite la ficha de participación y d’esplicate’l xuegu.

Colos carteles distribuyíos pel mercáu, y escritos n’asturianu, vas poder completar les actividaes propuestes na ficha

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *