Tien llugar el tercer llunes del mes de xineru del añu. Dizse que ye’l día más murniu. Blue Monday ye’l nome que se-y da a un día de xineru que, según Sky Travel, una compañía de viaxes del Reinu Uníu, ye’l día más deprimente del añu. El conceutu publicose por primer vegada nun comunicáu de prensa de 2005 de la empresa, qu’afirmaba calcular la fecha por aciu una «ecuación».
La mesma espresión, blue monday, pretende dar pistes sobro’l so significáu… O non (de cutiu traducióse el títulu d’esi preciosu poema de Bukowski, Bluebird, como “Páxaru azul”). Pa dexalo claro, nesti contestu, blue significa murniu. Sí, col mesmu matiz que s’emplega al falar del estilu musical conocíu como blues. Nun tien nada que ver colos tonos marinos, sinón con esa murria de la que tán feches los cantares de Robert Johnson o B. B. King.
Poro, la traducción más afecha para Blue Monday sería la de llunes murniu”.
¿D’ónde surde la idea del Blue Monday?
L’orixe obedez a un criteriu supuestamente científicu promoviu por Cliff Arnall, profesor de Psicoloxía en Cardiff (Gales, Reinu Uníu). Buscaba elementos que señalaren el día más deprimente del añu. Y los sos cálculos, basaos nuna serie de métriques particulares con distintes variables, lleváronlu a escoyer el tercer llunes del mes de xineru como’l llunes más bajonero, el día más duru del añu.
Asina que, si te sientes un pocu azul (murniu) el día de güei, ¡nun pasa nada! Equí te dexo dellos tips para ayudate a siguir el to día.
- Ye importante que recuerdes que nun podemos camudar la forma na que pensamos y/o sentimos. Asina que para tar un pocu más contentos esti llunes, quiciabes hai que centranos más en camudar lo que faemos, qu’en cómo nos sentimos.
- Pon la to mano sobro’l corazón. Sí, cierra los tos güeyos, fai 5 respiraciones fondes y empresta atención a como se siente’l to cuerpu. Faer esto ayúdanos a conectanos col nuesu cuerpu, coles nueses emociones que tamos esperimentando.
- Fexe xuna llista sobro les coses que fixisti’l día de güei. Les tos pequenes victories del día, por casu. Reconocer esto puede ayudar a motivanos pa siguir coles nueses xeres del día.
- Escueye xuna prioridá a cumplir esti día. La mayor parte del tiempu enllenamos con pindios y actividaes que terminamos pasando p’a otru día, tomar una y dedica-y un momentu n’específicu a cumplila tamién nos ayuda a sentinos granibles o productibles. ¡Con aselu/calma!
- ¡Quierte un mizcu! Date un apapacho solu por tar intentándolo’l día de güei, lleer un capítulu d’esi llibru qu’esfrutes tantu, son delles idees pa reconocer lo que llograsti güei y pa siguir faciéndolo mañana.
