El 16 de xineru celebra’l Día Mundial de la Croqueta, una idea que surdió d’una axencia de comunicación, que dio forma a una campaña para un restorán de Madrid especializáu en croquetes. Dizse que la palabra croqueta provien de la onomatopeya croquer, qu’en francés significa llarpiar y ye el soníu que tendría de faer esti perricu platu al entrar en contactu col nuesu cielu la boca.
- Fonte: wiki / semeyes / tipos
Un pocu d’hestoria sobro les croquetes
En realidá, la fecha de la so nacencia inda nun se verificó na so totalidá. Hai quien dicen que foi xuna idea del chef de la corte de Luis XIV nel añu 1619 y otros atribúyen-y l’inventu gourmet al fundador de la cocina clásica, Monsieur Escoffier, en 1898. Pero lo que naide alderica ye que la croqueta ye d’orixe francés.
El primer rexistru históricu onde se ve reflexáu esti manxar, data del añu 1817, específicamente’l día 18 de xineru. Cuando Antonin Cáreme, decidió presentar un platu de croquetes nuna llacuada pal príncipe rexente d’Inglaterra y el Gran Duque Nicolás de Rusia. Aquello maravió de tala forma a los nobles que’l platu foi bautizáu col nome de «Croquettes à la royale».
Secretos pa faer una croqueta perfecta
En realidá, nun hai muncha ciencia en faer una croqueta, diiríen dalgunos, pero, anque se trate d’una receta senciella, esisten dellos trucos básicos por que salgan perriques y cruxientes. Tocantes a ingredientes, hai bien variaes: hai croquetes de pollu, de quesu, xamón, sardines, tofu, camarones y hasta chocolate.
El verdaderu secretu ta en cómo se tuesta. Tien de faese usu d’una fridora o a lo menos una sartén fonda, que dexe somorguiar les croquetes n’aceite pa nun tener que da-y la vuelta y asina nun correr el riesgu de desarmales. Otru secretu de les croquetes ye’l mueyu bexamel. Tien que ser llixera y cremosa.
