Unes cuantes algues apuntiaes formen el mohawk d’esta tortúa que, por desgracia, ta en peligru d’estinción.
- Fonte noticia: Ecoosfera
- El icónico peñáu punk d’una tortúa en peligru d’estinción
- Tortúa Elusor macrurus: wiki / semeyes / noticies…
Nos océanos d’Australia xaz una tortúa única y bien especial. Conocida polos nativos como “la tortúa de 1 centavu” nos años 60 y 70 del sieglu pasáu, esta especie vendiase nes tiendes d’animales como la mascota del momentu. Debíu al poco conocencia, les críes d’esta tortúa vendíense enforma nes tiendes australianes y yera bien popular. Intrigáu pol orixe de les tortúes, John Cann, espertu australianu en reptiles, pescudó l’orixe de la especie.
Esta nun sería xera fácil, pos la población de tortúes menguara considerablemente tres la so popularidá como mascota. La observación y allugamientu de los exemplares de tortúa Elusor macrurus foi complexa hasta que Cann afayó una tortúa nel ríu Mary de Queensland. Una vegada qu’allugó’l primer exemplar vistu n’enforma tiempu, la investigación empezó. La tortúa del ríu Mary ye una de les tortúes d’agua duce más grandes d’Australia: pesa alredor de 9 kilogramos y mide casi mediu metro.
Créese qu’esta especie dixebrose d’otros animales fai unos 40 millones d’años y ye, posiblemente, la postrera del so xéneru. Amás, ye capaz de vivir hasta 100 años y reproducise a los 20 años. La so estructura ye tan particular que-y dexa permanecer so l’agua mientres dos díes ensin necesidá de salir a la superficie. Esto atrai una atención especial escontra ella. Sicasí, el detalle que lu fai en verdá única y bien llamativa a la vista ye’l so particular peñáu d’algues.
La tortúa de ríu y el so peñáu orixinal
Los fanáticos de la naturaleza adoren el peñáu estilu punk que caracteriza a esta tortúa. A pesar de que vos encantara qu’esti fora en realidá’l so pelo, nun lo ye. Como toos sabemos, les tortúes nun desenvuelven vellu corporal nin nada asemeyao.
Nel casu de la tortúa del ríu Mary, el mohicanu na punta de la so cabeza provien del tiempu que pasa na agua. Les algues crecen nel so cascu, cabeza y otres partes del cuerpu, casi como si fuera una pelame. Xuniendo esta traza tan orixinal y l’interés por da-y atención a les especies en peligru d’estinción, el fotógrafu de vida montesa Chris Van Wyk prindó delles imaxes de la tortúa y el so peñáu.
Agora les semeyes de la tortúa «punk” son virales y, llueñe d’adorar el so peñáu, ta creándose una campaña de concientización y conexón col hábitat que nos arrodia. Nesti sentíu, la fotografía puede camudar el mundu, o siquier esi ye’l propósitu de Van Wyk.
