Publicado en Festival gastronómicu

L’Entregu yá güel a Cebolles Rellenes

Lleguen les fiestes gastronómiques nel vecín conceyu de San Martín y, con elles, unu de los eventos más esperaos n’El Entregu: cebolles rellenes. Un platu que se consolidó como referente culinariu del conceyu y, por estensión, de la contorna. Semeyes.

La localidá de L’Entregu acueyi una nueva edición desti festexu gastronómicu que se remonta a principios de los años setenta. La hostelería ufierta menúes compuestos por cebolles rellenes de bonitu, ración de dureces/callos y, de postre, casadielles. Tamién pueden tastiase namá raciones individuales de cebolles. Esti eventu foi declaráu Fiesta d’interés turísticu del Principáu d’Asturies…

Los fogones entreguinos fierven de bulliciu col chop chop de la olla, empresta a preparar unes bones cebolles rellenes. De bonitu, de carne, de carrillera, de cogordes, veganas… sía como quier el so rellenu nunca dexen indiferente a naide. Y ye que, dende’l so humilde orixe, les cebolles supieron conquistar tolos cielos la boca siendo un platu reconocíu a nivel nacional ya internacional.

Los festexos van empezar el vienres, 25 de payares, y van estendese hasta’l domingu 27. Unos díes nos que les cais van enllenase de distintes actividaes lúdiques. Les cases van faer gala de bona gastronomía sentando a la mesa a familiares y amigos y, los restoranes de la zona, van preparar para la ocasión un contundente menú compuestu por cebolles rellenes de bonitu, acompañaes por callos/dureces como segundu platu y de dulce “les tradicionales casadielles”.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *