Publicado en Día de...

Día Mundial de les Artes Escéniques

El 20 de marzu celébrase internacionalmente el Día Mundial de les Artes Escéniques para la Infancia y la Mocedá. Un día nel que sofitar globalmente’l derechu de tolos niños y niñas al accesu al arte de manera igualitaria, especialmente, a les artes escéniques. Por cuenta de este día, dende ASSITEJ llanzamos un mensaxe internacional nel qu’amosar la importancia del teatru, la danza, el circu o los títeres na formación de los más pequeñvos.

‘Lleva a una niña al teatru. Lleva a un niño al teatru’ ye’l lema de campaña internacional. Con ella anímase a tol mundu a celebrar el Día Mundial llevando a un niño o niña a esfrutar d’un espectáculu.

Creóse una página web, diamundialartesescenicas.es, onde centralizar tolos materiales de comunicación y onde puede atopase una axenda para’l mes de marzu, na que toes aquelles compañíes, sales, teatros, colectivos y restu de profesionales pueden xubir el so programación del mes de marzu y visibilizar así la riqueza y diversidá de les artes escéniques dirixíes a niños, niñas y xóvenes. Esta ten de ser una celebración conxunta onde los protagonistes sían ellos. Un público presente y capaz, que precisa ser reivindicáu.

¡Si quies saber qué más tenemos pensáu faer pa celebrar esti día, llee la nuesa nota de prensa y forma parte d’esti día con nós!

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *