Publicado en Falamos

Proyectu «Falamos»

Arranca’l proyectu Falamos, qu’ufierta cursos semipresenciales gratuitos d’asturianu y eonaviego pa la población adulto nel cuartu trimestre de 2022. Na páxina www.falamos.info puede consultase la información y facese la preinscripción. Si t’interesa, solicita plaza y la organización va ayudate a atopar el cursu más cercanu.

Programación de cursos: setiembre a avientu 2022: Hores llectives – 42:

  • 20 hores presenciales estremaes n’ocho sesiones de 2,5 hores.
  • 22 hores en llinia.

Falamos ye un plan pilotu d’enseñanza non reglada de les llingües asturiana y gallego-asturiana o eonaviega pa persones adultes.

Esti proyectu ye una colaboración ente la FACC y la Dirección Xeneral de Política Llingüística del Principáu d’Asturies.
Atópalos tamién en Twitter, Facebook y Instagram: @falamosinfo (Falamos)

Temariu del cursu d’asturianu

El cursu d’asturianu de Falamos, que compaxina la presencialidá col enseñu online, dixébrase n’ocho temes qu’incorporen conteníos gramaticales, ortográficos, léxicos y comunicativos pa deprender o ameyor el nivel d’usu del asturianu nel día a día.

Tema 1

Identificación personal y familia: alfabetu, sustantivu y axetivu, vocalismu final, vocabulariu rellacionáu, saludos, despidíes y presentaciones, descripción de cualidaes físiques de les persones.

Tema 2

Casa, pueblu y ciudá (espacios y servicios): artículu y preposiciones, apostrofación, vocabulariu rellacionáu, descripción d’oxetos, viviendes y llugares.

Tema 3

Comerciu y alimentación: Demostrativos, numberales ya indefiníos, vocabulariu rellacionáu, costumes y celebraciones, espresión de gustos y preferencies.

Tema 4

El cuerpu y les emociones: pronomes personales, posesivos antepuestos, acentuación, vocabulariu rellacionáu, diálogos, indicaciones y conseyos.

Tema 5

Trabayu y tiempu llibre: formes verbales básiques, vocabulariu rellacionáu, narración/descripción de vezos y acontecimientos.

Tema 6

L’espaciu natural/el clima: alverbios, llocuciones, pronomes y alverbios interrogativos, vocabulariu rellacionáu, pidimientu y ufierta d’información sobre’l tiempu, descripción y actividaes n’espacios naturales.

Tema 7

Internet y medios de comunicación: estructures comparatives, vocabulariu rellacionáu, solicitú d’información formal ya informal.

Tema 8

Viaxes y multiculturalidá: conectores, vocabulariu rellacionáu, descripción de llugar/costumes, conseyos pa planiar un viaxe.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *