Publicado en Arte

De La Perala a El Mercrominu: la hestoria de los personaxes más interesaos de Xixón

Gaspar Melchor de Xovellanos ye quiciabes el personaxe más pernomáu de tolos qu’hubo en Xixón. Pero a lo llargo de la hestoria na ciudá han esistíos munchos otros. Individuos bien desemeyaos, que nun salen nos llibros y de los que tan solu unos pocos falen, pero que tuvieron amestaos indiscutiblemente a la vida xixonesa. La Perala, El Chaquetu, Rambal o’l gaiteru de la Güelga son un exemplu. Ellos son los personaxes más interesaos de Xixón y güei repasamos la so hestoria.


¿Cuálos son los personaxes más interesaos de Xixón?

1. La Perala:

Dibuxu d´Álvaro Noguera de La Perala

La Perala quería ser actriz. Pintábase, poníase enriba tolos collares que tenía y abasnaba un carrín de la compra dende’l chabolu de Ceares na que vivía hasta los escenarios de les sos pequenes funciones. Nun llegó a llogralo, pero tuvo una vida de película.

Emilia Gómez, como en realidá llamábase, nun lo tuvo fácil. El 11 de mayu de 1964, el so fíu de 28 años perdía la vida en tráxiques circunstancies. El mozu finó n’una brutal esplosión con dinamita na cai de Eladio Carreño, al pie de la sablera de San Llorienzo. Mientres meses, nun se faló d’otra cosa nes cais y chigres de la ciudá. La Perala sufrió bien de, pero nun dexó d’actuar.

Cada mañana venía con ropes vieyes y de vivos colores, cargada de bixutería hasta enriba, con unos güeyos verdes llenos de rímel y unos llabios siempres pintaos de coloráu carmín. La so hestoria, ello ye que llegó hasta l’actualidá y forma parte yá del mancomún popular xixonés. Cuando daquién va llenu de xoyes o vistíu bien estrafalariu dízse-y que paez La Perala, la muyer que magar toles dificultaes nunca dexó de cantar.

2. Rambal

 

Alberto Alonso Blanco nació en 1928 nel barriu de Cimavilla. Ayudaba a les vecines por unes mampurres, amenizaba les xornaes nel lavaderu entonando dalgún cantar, actuaba nes cais anunciáu pola so madre ‘Concha la Guapa’ y vistíase de muyer peles nueches para cantar coples por Marifé de Triana.

Foi un homosexual declaráu na dómina na que’l franquismu escorríalos. Y tan solo 5 meses dempués de la muerte de Franco, la madrugada del 19 d’abril de 1976, los vecinos sollertaron d’una quema nel númberu 4 del daquella campu de les Monxes. Daquién asesinara a Rambal ya intentara destruyir les pruebes prendiendo fueu a la so casa. Nunca se llegó a afayar quién foi.

Pero l’alcordanza de Rambal sigue vivu. Y la última edición del FICX asina lo demuestra. Nella, el polifacéticu Rodrigo Cuevas, en collaboración con DÍA La Tarabica, interpretó unu cantar inéditu del folklórico personaxe, que lleva por títulu ‘Fuxe que vien el turcu”.

3. El gaiteru de la Güelga

Llamábanlu el gallegu y tocaba la gaita siempres sentáu nel suelu, coles piernes cruciaes, el sombreru puestu y la cara mirando escontra baxo. Nunca falaba y nin si quiera pidía dineru. Tan solo tocaba, y mientres años amenizó l’allegada zona de l´Acerona. Dicen que nunca naide -y vio la cara, pero son munchos los que lu recuerden.

Fernando Poblet na so ‘Guía indiscreta de Xixón’ inclúi una semeya so, a quién él fai llamar el gaiteru civil. Queden amás dellos cuadros ya ilustraciones nel so honor. Inclusive, nel 2013, llegó a protagonizar el cartelu del Festival de Gaites.

4. El Mercrominu

Afatiáu siempres cola mesma americana, unes cuantes talles más grandes, pantalón azul de mahón, boína negra y zapatielles de cuadros, de les d’andar per casa, foi unu de los personaxes más interesaos de Xixón. Anque la so auténtica seña d’identidá yeren la so cara y les sos manos, siempres llenes de mercromina. La xente dicía que se debía a una zuna d’estrema llimpieza, de pulcritud necesaria al vivir arrodiáu de basura.

Autor:

Maestra de Llingua Asturiana Colexu Carmen Ruiz-Tilve - Uviéu