Publicado en Curiosidaes, NATURA

El fascinante xiblíu del Mar Caribe que s’oi hasta l’espaciu (l’efectu Rossby)

Un xiblíu fascinante salea dende la superficie del Mar Caribe hasta l’espaciu y espertos analizaron la so naturaleza y conexón col cosmos.

Los soníos na Tierra falten enforma d’aquellos que s’atopen nel espaciu. La esperiencia d’escuchar l’universu ye daqué que pocos pueden esplicar. N’ocasiones la NASA intentó descifrar delles de les sos “voces” más estrañes. Sicasí, dizse qu’un soníu bien particular estiendese hasta llegar a les estrelles, unu que nun se xenera nel espaciu, un xiblíu que viaxa dende’l Mar Caribe na Tierra.

Metanes la fuerza incesante del océanu, el Mar Caribe paez bisbisar un xiblíu tan fugaz como intensu. Un soníu que puede escuchase en forma d’oscilaciones nel campu gravitatorio de la Tierra. Pero ¿qué ye esactamente esti xiblíu y qué lo fai tan intensu?

Acordies con investigadores de la Universidá de Liverpool, el xiblíu del Mar Caribe (allugáu al sureste del Golfu de México) débese a un fenómenu conocíu como’l xiblíu de Rossby. Este asocede cuando una gran fola arrobínase amodo escontra l’oeste del mar y interactúa col fondu del mar. Al formar esa interacción, la fola escasta xusto nel llende occidente y remanez nel llau oriental de la cuenta creando un furacu de vierme de Rossby.

La clave d’esti fenómenu particular ye que se rique d’ondes de llargores bien particulares para sobrevivir al furacu de vierme/gusanu. Pero si se tienen les característiques necesaries, entós les ondes refuércense y producen una oscilación clara y precisa. Esta oscilación flúi dientro y fora de la cuenca nel Mar Caribe cada 120 díes. Mientres esi períodu, produzse un efectu nel campu gravitatorio de la Tierra que ye visible polos satélites nel espaciu.

¿Cómo funciona’l xiblíu del Mar Caribe?

Mientres el períodu de 120 díes, el fluxu de les ondes na cuenca del Mar Caribe produz un xiblíu que toca la nota “El bemol”. Esta nota significa munches octaves per debaxo del rangu oyible para los humanos, pero ye lo suficientemente fuerte para ser detectáu por un satélite nel espaciu.

“Esti fenómenu puede variar el nivel del mar n’hasta 10 cm a lo llargo de la mariña de Colombia y Venezuela, polo qu’entendelo puede ayudar a predicir la probabilidá d’hinchentes costeros”, apunta la investigación.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *