Publicado en NATURA

El próximu 14 d’avientu la mayoría de los habitantes del hemisferiu sur van ser testigos d’un eclís solar total

 

El próximu llunes 14 d’avientu de 2020 va asoceder un eclís solar total. Recordemos qu’un eclís solar asocede cuando la lluna pasa ente la Tierra y el sol. Esti eclís va ser total, lo que significa que, n’apariencia, el diámetru de la lluna verá mayor que’l diámetru del sol. Lo qu’asocede ye que la lluna bloquia tola lluz solar, convirtiendo’l día n’escuridá.

L’eclís del próximu 14 va ser visible en bona parte d’América del Sur, particularmente n’Ecuador, Perú, Bolivia, Paraguay, Chile, Arxentina, Uruguai y delles partes de Brasil. Coles mesmes, va poder reparase en delles isles d’Oceanía (Polinesia Francesa y les isles Pitcairn), na Antártida y en dellos países del sur d’África como Namibia, Angola y la rexón sudeste de Suráfrica.

El fenómenu va tener xuna duración d’alredor de dos minutos y diez segundos, con pequenes variaciones dependiendo del allugamientu esactu.

Ensin dulda, trátase d’un espectáculu que val la pena reparar (o siguir, en casu de nun morar nuna zona onde pueda vese lo). Mientres munchos años popularizóse’l turismu astronómicu, que consta de viaxar a los países onde los fenómenos astronómicos más singulares son visibles (como ye’l casu, por casu, de les aurores boreales y los eclises).

Chile ye unu de los países más curiosos pa esti tipu de turismu, por cuenta de los sos cielos estenos y el so allugamientu nel globu. Tamién por esta razón, esti país suramericanu ye unu de los llugares con más observatorios científicos y turísticos del mundu. Nel casu del eclís del próximu 14 d´avientu Chile va ser, de nuevu, unu de los países más privilexaos pa la observación d’esti fenómenu.

Pal pueblu orixinariu mapuche, nativu de la rexón andina, un eclís solar total recibe’l nome de «lay antü» o «lan antü», que significa «muerte del sol». Esti eclís ye un sucesu de suma importancia na cosmovisión mapuche. Tal como’l so nome indica, la muerte del sol» marca la suspensión del tiempu por que un nuevu ciclu empiece.

Autor:

Maestra de Llingua Asturiana Colexu Carmen Ruiz-Tilve - Uviéu