Esti mapa amuesa la situación del turismu nel estranxeru nos distintos países de la Unión Europea nel añu 2019.
La infografía tien dos dimensiones. Per una parte, representa colos distintos colores el volume d’habitantes que pasaron siquier una nueche nel estranxeru mientres l’añu 2019. Na parte más alta asítiense Suiza y Noruega, con más d’un 70 % de la población. Na parte más baxa apaecen Rumanía, Bulgaria y Grecia, onde menos del 10 % de la población viaxó al estranxeru mientres esi añu.
Al respective de los destinos más populares en cada país, destaca con claridá España, que foi’l destín preferíu en gran parte de la Unión Europea, con diez países. De siguío atópase Italia, siendo’l destín preferíu de cuatro países, siguíu de Francia y Alemaña, dambos con trés países.
