Publicado en INFANTIL, RTPA, TV

La TPA emiti «Animalada Xabaz», un programa empobináu a públicu infantil

Ver Asturies informa que la TPA entama bien llueu un nuevu programa pa la reciella.

La TPA emitirá en selmana santa’l programa infantil «ANIMALADA XABAZ». Trátase d’un espaciu televisivu nel qu’actores, músicos y moñecos collaboren para faer un productu entretenío y didáctico al empar, y ta producíu por Covenant Audiovisuales xuntu con Carlos Alba «Cellero».

ANIMALADA XABAZ bebe de les fontes de la cultura popular asturiana, el teatru de títeres y la música rock. Foi unu de los proyectos escoyíos na convocatoria «Asturies crea sinerxies», impulsada pola Conseyería de Cultura, Política Língüística y Turismu, y la RTPA. El programa sofítase n’una idea orixinal de Covenant Audiovisuales y Carlos Alba, y ta dirixíu a un públicu infantil y familiar, utilizándose l’asturianu como llingua vehícular. El gallego-asturianu tamién se va a escuchar na fala d’unu de los personaxes.

Cuenta con trés partes qu’en delles ocasiones entemecense ente elles:

Un cuentu qu´escenifican los personaxes de «Cellero» y la so fía «Fefa», xuntu con trés moñecos que representen otros animales: la osa Sabela, el xabalín Xuacu y la cabra Telva. Los títeres tán diseñaos y fechos por Andrea Lobo, y los dibuxos David Cavernario. Tamién se cunta cola actuación del cafiante trasgu Nalón.

Xuna parte pedagóxica que protagonicen Fefa (qu’interpreta Carmen Gloria) y Enol, un mozu «neorrual» que quier aprienden la llingüa asturiana. Xuna parte músical pa neños más grandes, na que’l grupu «Anti-Pop» toca xuna cantar de rock-punk, compuestu por Maxi Compán, de la banda «Fé de Ratas».

Amás, en cinco de los ocho capítulos inclúyese xuna entrevista a una persona relevante dientro de la cultura asturiana empobinada al públicu infantil. Les persones entrevistaes son: Iris Díaz Trancho, escritora y representante de l’asociación Reciella; el músicu David Varela; l’actriz y cuentacuentos Ana Morán; l’escritor y académicu de la llingüa Pablo Rodríguez Medina, y Mar Álvarez, cantante del grupu Petit Pop.

ANIMALADA X. cuntó cola revisión llingüística y didáctica de Milio Rodríguez Cueto, y la de Xosé Miguel Suárez Fernández «Tapia» pal casu del gallego-asturianu. Amás de Carlos Alba, la interpretación realicenla les actrices Carmen Gloria, Verónica Rodríguez ya Isabel Tostara, y el músicu Maximino Compán, que cola so banda «Fé de Ratas» grabó la música de cabecera. Andrea Lobo foi tamién la directora d’arte. La dirección corrió por cuenta d´Omar Tuero, que xunto con Leire Alvarez y Fran Alonso forma Covenant Audiovisuales.

Estratexa tresmedia

ANIMALADA X., amás de ser un proyectu audiovisual dirixíu sobremanera pa la televisión, va cuntar con una estratexa tresmedia, por aciu nuevos métodos de producción narrativa, como la xeneración de conteníos multimedia, l’usu de característiques interactives y l’implicación directa de l’audiencia.

Covenant ye xuna productora audiovisual que ta formada polos profesionales: Omar Tuero (director), Leire Álvarez (llicenciada en Comunicación Audiovisual pola Universidá del País Vascu y Técnicu Cimeru en Realización d’Audiovisuales y Espectáculos pol CIFP de Comunicación, Imaxe y Soníu de Llangréu) y Fran Rubio (técnicu cimeru en Realización, Imáxen, Formación, Edición y Postproducción d’Imaxe). Xuntu col actor, cuentacuentos y periodista Carlos Alba «Cellero», son los responsables de da-y vida a ANIMALADA XABAZ.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *