Publicado en Deportes, Xuegos Olímpicos

4 Medallistas d’oru olímpicu asturianos

 

Ángela Pumariega

La xixonesa compite en vela nes clases Elliot 6m y 470. Compitiendo dende los 10 años, ganando un campeonatu d’España en 2001. Diez años dempués, en 2011, consiguió un gran ésitu al aportar a campeona d’Europa nel primer campeonatu entamáu pola ISAF. Xusto al añu siguiente, llogró faese col oru olímpicu en Londres.

Samuel «Samu» Sánchez

El ciclista d’Uviéu tien una trayectoria envidiable nun deporte tan especial para los asturianos como ye’l del ciclismu. Debutó como profesional nel añu 2000 y anque nun consiguió nenguna victoria sí que destacó a pesar de la so mocedá, llegando a puestos destacaos a pesar de tener un añu complicáu por una mancadura de rodía. Ensin dulda el so mayor ésitu tuvi nos Xuegos Olímpicos de Pequín en 2008, onde llogró l’oru na modalidá de Ruta. Uviéu tien una estatua que recuerda esi momentu.

 

María Ángeles «Masa» Rodríguez

María Ángeles Rodríguez, conocida pol nomatu de «Masa» foi parte d’una histórica selección femenina d’h.oquei. La selección trabayó duramente mientres un añu para preparase para los xuegos olímpicos. L’equipu convivió y preparése tantu física como mentalmente de formes innovadores entós daquella. Teníen claro’l so oxetivu de llegar al máximu n’una competición na que, anque empezaron dubioses, fueron de menos a más llegando a ganar l’oru nos xuegos olímpicos de Barcelona 92, ente les que taba la xixonesa.

Pedro Pidal

El marqués de Villaviciosa foi’l primer medallista olímpicu asturianu de la hestoria. Concretamente en París 1900, los segundu de la era moderna y los primeres en celebrase llueñe de Grecia. Unos xuegos olímpicos que daquella nun taben entá profesionalizaos y teníen un espíritu más «amateur». Ello ye que esti home participó de casualidá, yá que s’atopaba nesi momentu visitando París para otros asuntos distintos. Pedro Pidal participó na modalidá de «tiru al pichón» (yeren otros tiempos…), na que quedó segundu. Los cambeos en riegles, espíritos y la poca importancia qu’entós se -y daba a la competición fai que baillen los datos (¿medaya de sablera, de bronce, medaya de plata que val bronce, descalificáu más de cien años dempués…?), y ye qu’en 2004 estes olimpiaes sufrieron dellos cambeos al ser revisaes.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *