Publicado en NATURA

La Tierra va dicir adiós a la so segunda ‘lluna’

La Tierra va dicir adiós para siempres a la so segunda ‘lluna’ nos primeros díes de febreru

Imaxe ilustrativa de la Tierra y la Lluna. PIXABAY

  • 2020 GUO empezó a orbitar el nuesu planeta en payares de 2020
  • El pequenu oxetu tien ente 6 y 14 metros de diámetru
  • Muévese  a 3.025 km/h, xuna velocidá baxa pa un asteroide

La Tierra va despidir pa siempres nos primeros díes de febreru’l so miniluna 2020 SO, que’l pasáu mes de payares empezó a orbitar el nuesu planeta, según informa’l portal EarthSky.

El pequenu oxetu, d’apenes ente 6 y 14 metros de diámetru, foi afayáu en septiembre de 2020. Los espertos de la NASA calcularon que se movía a 3.025 km/h, xuna velocidá demasiao baxa pa un asteroide. Los modelos amosaron entós que l’oxetu convertiase nuna miniluna de la Tierra, y dende el 8 de payares 2020 SO tuvo orbitando el nuesu planeta.

El pasáu 1 d’avientu algamó’l so puntu más cercanu a la Tierra, pasando a tan solo 50.000 kilómetros de nós, o l’equivalente al 13 % de la distancia llunar. Entós foi identificáu como’l cohete propulsor Centaur, llanzáu escontra la Lluna cola misión Surveyor 2 a mediaos de los años 60 del sieglu pasáu.

Últimu acercamientu, el 2 de febreru

El próximu 2 de febreru la miniluna va faer un últimu acercamientu al nuesu planeta, pasando nesta ocasión a 220.000 kilómetros (el 58 % de la distancia ente la Tierra y la Lluna). Pal mes de marzu va alloñar pa siempres de la so órbita terrestre. Entós va convertise n’otru de los oxetos qu´orbitan alredor del Sol.

Y pa da-y xuna despidida a esta miniluna, el proyectu del Telescopiu Virtual en Roma va amosar en directu l’últimu acercamientu de 2020 SO al traviés d’una tresmisión que va empezar a les 22:00 GMT del 1 de febreru 23:00 en Madrid).

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *