Publicado en NATURA

El caballín de mar machu puede dar a lluz decenes de críes

Asina da a lluz un caballu de mar machu. Un acuariu d’Australia grabó a esti animal mientres daba a lluz a decenes de críes

Les curioses imaxes amuesen a un caballín de mar, machu, dando a lluz a cientos de diminutes críes. Son más pequenes qu’un granu d’arroz. En cada partu pueden llegar a allumar barganal de 1.500. Anque non toes sobreviven.

El caballu de mar o hipocampu ye unu de los animales más interesantes del mundu. Una de los sos intereses ye que, nesta especie, ye’l machu quien sobrolleva l’embaranzu, y quien da a lluz a casi 2.000 críes. Increíble, ¿eh ho?

Los sos hocicos prominentes y la so forma de nadar en vertical ye lo que-yos da’l nome col que comúnmente son conocíos: caballinos de mar. Tienen semeyances col caballu.

¿Sabíes que’l caballín de mar ta en peligru d’estinción?

Les principales causes d’esta situación son la pesca masiva, sobremanera en zones d’Asia, onde se-y atribúin propiedaes curatibles. Coles mesmes, son unu de los platos favoritos para pingüinos, cobertores raya o cámbaros, y sufren colos cambeos nel clima. Viven n’agües seles y pocu fondes para evitar lluchar contra les corrientes. Ello ye que munchos d’ellos muerren por escosamientu al nun poder soportar tantu movimientu cuando’l clima modifica les corrientes d’agua.

¿Sabíes que’l caballín de mar machu ye quien xesta a les sos críes?

Mientres la reproducción, la fema introduz los sos güevos na bolsa ventral de los machos, que s’atopa nel so abdome. El so embaranzu dura 45 díes aprosimao. Apáriense estacionalmente cuando s’amonta la temperatura de l’agua nel qu’habiten.

¿Sabíes que puede tener ente 1.500 y 1.800 críes?

Pero solo sobrevive un 1%. Los demás, conviertense en comida pa los sos depredadores…

¿Sabíes que ye unu de los depredadores más arteros?

Prinden a la mayoría de les sos preses gracies a les sos hocicos prominentes. ¡Lleguen a “cazar” a un 90%! Amás, comen de cutio cuidao que nun tienen dientes nin estómagu. Amás, puede aspirar la comida hasta dende trés centímetros de distancia.

¿Sabíes que la especie más grande mide 30 centímetros de llargu?

La especie más pequena topada ye’l “Hippocampus japapigu” que significa “gochu de Xapón”, cuidao que, según espliquen los espertos, asemeyase a un gochu naciellu. Esta especie mide unos 15 milímetros de llargu. ¡Bien pequena! La más grande ye “Hippocampus ingens”, y los machos son los de mayor tamañu, algamando los 30 centímetros de llargu.

¿Sabíes qu’utilicen les sos coles como ancles?

Gracies a elles, engabiten a ciertos llugares de la zona como corales o camperes pa poder folgar, evitando ser abasnaos poles corrientes. Tamién les coles del caballín de mar son la so principal ferramienta a la d’engarrar mientres dómines d´apareamiento, o por consiguir comida o defender el so territoriu. Cuando van en pareya, los hipocampos naden xuntos garrándose les coles.

¿Sabíes que’l caballín de mar puede vivir hasta seis años?

Anque delles especies solo duren un añu de vida. Hai alredor de 40 especies distintes d’hipocampos, y cada una d’elles tien peculiaridaes especiales, como la so llonxevidá.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *