La casa unifamiliar ye la vivienda de moda que dexa la pandemia Asina, el sector de la construcción industrializada ta creciendo Una compañía asturiana llevanta cases a partir de ‘containers’
El mundu de les cases prefabricaes vive un boom dende l’entamu de la pandemia gracies a qu’ufierta una forma más rápida y, n’ocasiones, más barata de mercar una casa unifamiliar, la vivienda de moda que dexa’l Covid-19. Trátase d’un sector en puxanza que ta enllenando’l mercáu de nueves alternatives o reposiciona otres alternatives como son la casa contenedor.
L’arquitectura con contenedores, denominada Cargotectura, nun tipu de construcción modular que tien l’oxetivu de recudir el tiempu de construcción, consiguir un aforru económico y procurar un beneficiu ambiental al amenorgar emisión de CO2 (si utilicen contenedores reciclaos). Asina, ye una alternativa inmobiliaria qu’utilizaron alministraciones públiques para llevantar edificaciones que puedan contribuyir solucionar el problema del accesu a la vivienda.
Sicasí, col boom de les cases prefabricaes, esti sistema de construcción ganó n’interés. Asina, tres más d’un añu d’investigación, la compañía asturiana Obres y Proyectos llanzó nel añu 2020 el so proyectu Effic Box, que cosisti na construcción de viviendes unifamiliares a partir del reciclaxe de contenedores.
«Los nuesos contenedores aísllense tantu interior como exteriormente, dotando a les nueses viviendes d’un confort interior premium, siguiendo los principios Passivhaus: hermeticidad, gran aislamientu térmicu, carpinteríes y vidrios baxu emisivos, ausencia de pontes térmiques, sistema d’aireación con recuperador de calor», esplica la compañía.
La estructura y forma de los contenedores dexa que se construya en fábrica la mayor parte de la casa y tenga un fácil tresporte, inclusive si quier camudase el so allugamientu. Amás, Obres y Proyectos esplica qu’ufierten un grau importante de personalización porque pueden utilizase dellos contenedores para faer viviendes más grandes con distribuciones distintes.
