Publicado en Sin categoría

Reflexones d’Angeles Caso

Nesti momentu de la mio vida, nun quiero casi nada. Tan solo la tenrura del mio amor y la gloriosa compañía de los mios amigos. Unes cuantes risaes y unes palabres de ciñu antes de dime a la cama. L’alcordanza duce de los mios muertos. Un par d’árboles al otru llau de los cristales y un cachu de cielu al que s’asomen la lluz y la nueche. El meyor versu del mundu y la más formosa de les músiques.

Otra manera, podría comer pataques cocíes y dormir nel suelu mientres la mio conciencia tea tranquila. Tamién quiero, eso sí, caltener la llibertá y l’espíritu críticu polos que pagu con gustu tou el preciu qu’haya que pagar. Quiero tola serenidá pa sobrollevar el dolor y tola allegría pa esfrutar de lo bono. Un intre de guapura a diariu. Echar desesperadamente de menos a los que tengan que dise porque tuvi la suerte de tenelos al mio llau. Nun tar enxamás de vuelta de nada. Siguir llorando cada vez que daqué lo mereza, pero nun quexame de nenguna tontura. Nun convertime nunca, nunca, nuna persona amargurida, pase lo que pase. Y que’l día en que me toque esmucime, un puñadin de persones piensen que valió la pena que yo anduviera un ratu pequí. Namá quiero eso. Casi nada o tou.

 

Ángeles Caso, periodista y escritora asturiana

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *