Publicado en Deportes, Sin categoría, Xuegos Olímpicos

Tokyo 2020 fina con dos medayes p’Asturies

Raúl Entrerríos sumó’l segundu bronce llueu de la victoria del combináu de balonmano col Exiptu (33-31) d’Antonio Cartón.

Los Xuegos Olímpicos de Tokyo 2020 yá son historia, y los deportistes yá piensen na próxima cita olímpica: Paris 2024. Enantes, sicasí, queden los Xuegos Paralímpicos, que van principiar en Tokiu’l día 24 y van allargase hasta’l 5 de setiembre.

La última allegría pa los asturianos, que celebraron previamente’l bronce en tenis individual de Pablo Carreño al ganar a Novak Djokovic, foi’l bronce d’Entrerríos, el segundu de la so carrera llueu del de Beijing 2008. La seleición española que capitania venció a Exiptu’l sábadu por 33-31.

Nun lo punxo fácil el combináu africanu, col xixonés Cartón nel equipu téunicu, diendo’l marcador hasta un resultáu axustáu nel qu’Enterríos se convirtió una vegada más nun xugador clave, con 4 goles, de los que 2 llegaron nos 4 minutos últimos. La meyor manera de despidise del balonmano a los sos 40 años.

Francia finalmente llevó l’oru en Tokyo 2020 al derrotar a Dinamarca, verdugu de España, por 33-31. En moces ganó tamién Francia, siendo la plata pal equipu del Comité Olímpicu Rusu y el bronce pa Noruega.

Otra manera, Saúl Craviotto, palista catalán residente en Xixón, tuvo que conformase cola plata na final del K4 500 al vese superáu pola piragua alemana nun final mui axustáu.

El medayeru, pa Estaos Xuníos

Con 113 medayes, de les que 39 foron oru, Estaos Xuníos foi’l país con más ésitos nes Olimpiaes de Tokiu. Siguiólu China con 88 metales (38 oros) y l’anfitrión Xapón con 27 oros (58 medayes).

El primer país européu foi Gran Bretaña, cuartu con 22 (65 medayes). España finó na posición ventésimu segunda, con 3 oros, 8 plates y 6 bronces, un total de 17 metales.

España: puestu 22: con 3 d´oru, 8 de plata y 6 de bronce: total 17 medayes.

Nunca tan pocos llograron tantu. Los cuatro asturianos llogren trés medayes y dos diplomes, a cencielles espectacular.

Pablo Carreño bronce en Tenis, Saúl Craviotto plata y diploma en Piragüismu, Raúl Entrerríos bronce en Balonmano y María López diploma n’H.oquei.

Trés medayes y dos diplomes para los asturianos en Tokyo 2020

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *