Un asturianu, escoyíu fotógrafu de la selmana pola Axencia Espacial Europea.
Chechu Fotografia Les fotografíes llunares de Chechu Senís fueron publicaes pola NASA, amás de ser escoyíes ente más de 60.000 participantes pola entidá Europa ye cultura. Chechu Senís, afincáu en Madrid pero orixinariu de Mieres, foi escoyíu como fotógrafu de la selmana pola Axencia Espacial Europea. Les sos fotografíes de la lluna combinaes con impresionantes elementos como un avión d’acrobacies, xuna circense o un gaiteru llevaron a esti asturianu lo más alto de la fotografía.
- Fonte: La Voz de Asturias
- Chechu Senís: Instagram / TPA /
Empezó nel mundu fotográficu fai más de diez años gracies a un amigu, en dando un cambéu drásticu na mio vida. Estudié turismu y dedicábame a esi sector, pero empecé na fotografía y tou camudó. Profesionalmente dedicome a la fotografía de prensa y deportiva, pero l’artística ye unu de los mios grandes hobbies», esplica Chechu.
Agora foi escoyíu como fotógrafu de la selmana pola Axencia Espacial Europea. Anque esta entidá yá publicara dalgunes de les sos fotografíes n’anteriores ocasiones, «va un mes y medio punxéronse en contactu conmigo pa collaborar. Preguntáronme si sería posible faer una publicación conxunta n’Instagram el 21 de xunu, coincidiendo col solsticiu de branu». Coincidiendo tamién cola llegada del branu, la NASA, na so cuenta APOD, compartió xuna de les imaxes más representatives del Principáu que’l fotógrafu tomó hasta la fecha, trátase de la ilustración d’un gaiteru cola lluna de fondu realizada nel Altu del Gamoniteiro, allugáu nel conceyu de Quirós.
Una de les sos semeyes favorites, la d’un gaiteru n’El Gamoniteiru. Ta inclusive espublizada pola NASA n’Instagram.
Anque estudió Turismu, Chechu afayó la fotografía fai 10 años. Agora dedícase profesionalmente a la fotografía de prensa y deportes, pero l’afición por esta modalidá artística llegó-y llueu.
