Picos d’Europa ye’l mayor macizu montascosu de naturaleza caliar de la Europa atlántica, que presenta amás un gran interés xeográficu por atopase mui cerca de la mariña (a tan solo 15 km na so zona más cercana) lo que provoca que presente grandes desniveles, de más de 2.500 m entra les zones más altes y los fondos de valle.
El so gran númberu de cumes, munches percima de los 2.500 m, y los sos espectaculares paredones caliares fixeron de la Reserva de la Biosfera xuno de los escenarios que más influyeron nel desenvolvimientu del alpinismu y l’esguilada n’España, con mitos montañeros como la Naranxo de Bulnes o Picu Urriellu.
La Reserva de la Biosfera de Picos d’Europa alluga tamién dalgunos interesantes llagos (llagos de La Ercina y Enol) d’orixe glaciar, que son ensin dulda los más populares d’España y que reciben #cada añu más de 600.000 visitantes. Alluga tamién una gran diversidá de montes –dende encinares a fayedales– y unos 1.800 taxones de flora.
