Publicado en Festival gastronómicu

XXIII Festival de la Boroña en Torazu

Torazu espachó 200 raciones de boroña preñada

Ensin pregón, representaciones teatrales y el gran ambiente que cada primavera enllena’l campu de La Sienra de Torazu. Nesta ocasión, les restricciones sanitaries llindaron el certame gastronómicu a lo verdaderamente importante, la boroña.

L‘Asociación Cultural y Recreativo Toracense espachó güei, domingu 6 de mayu, más de 200 raciones de boroña preñada. El dinámicu colectivu vecinal entamó’l XXIII Festival de la Boroña de Forma de Torazu, pero fízose afechu a la situación sanitaria que vivimos, polo que para esta fecha ellaboráronse namá 18 boroñes preñaes, en dos de forner qu’hai na localidá y namá hubo despachu de raciones, ensin les tradicionales actividaes que xiren en torno al Festival y que se va celebrar siempres nel prau de la Sienra.

Les restricciones impiden la celebración del festival

En Torazu, en Cabranes, güei ríndese tributu a un productu emblemáticu: la boroña de forna. Les restricciones impiden que se celebre’l Festival, pero non que se pongan a la venta raciones d’esti productu.

Tal y como facíen los sos antepasaos, y dempués del parón del añu pasáu, en Torazu güei volvieron a arroxar la forna pa preparar 19 pieces de boroña. Ensin festival, poles restricciones sanitaries, los vecinos decidieron vender 240 raciones.

La tradición de cocer la boroña nes antigües fornes con ablanu delles hores remóntase a tiempos mui llonxanos, pero güei mozos como Hugo Costales garanticen el relevu xeneracional.

Por un preciu de 15 euros cada ración, d’aproximadamente un kilo, acompañada del renomáu arroz con lleche de Cabranes, los fieles nun quixeron perdese una cita qu’aspira, l’añu qu’entra, a recuperar la so condición de festival gastronómicu, si la situación sanitaria dexa.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *