Publicado en Deportes, Xuegos Olímpicos

España remata los Xuegos Paralímpicos de Tokio 2020 con 36 medayes

L’equipu español pon fin a los Xuegos Paralímpicos de Tokio 2020 con Marta Fernández como abanderada na ceremonia de clausura.

L’equipu paralímpicu español pon fin a los Xuegos Paralímpicos de Tokio 2020 con un gran balance de 36 medayes llograes (9 d’oru, 15 de plata y 12 de bronce) y 131 diplomes olímpicos. Marta Fernández, con trés medayes nestos Xuegos, foi la encargada de portar la bandera d’España na ceremonia de clausura.

Una de les grandes noticies que dexaron los Xuegos ye que l’equipu español ameyoró les medayes llograes en Ríu de Janeiro 2016 (31 medayes).

El puestu definitivu nel medallero foi’l 15º, nun cuadru lideráu por China, a muncha distancia de Gran Bretaña y Estaos Xuníos. Sicasí, l’equipu español asitióse en 13º llugar en númberu de medayes totales.

De los 36 metales españoles, 15 llegaron en pruebes femenines y los 21 restantes fueron llograos por homes, lo que significa que les muyeres ficiéronse col 41 per cientu de les medayes del Equipu Español, magar ser el 33% de los componentes de la delegación.

En cuanto al relevu xeneracional, hai que destacar que de los 29 deportistes que consiguieron medayes, 11 son debutantes n’unos Xuegos Paralímpicos, por 18 que yá participaron en más d’una ocasión.

Federaciones y medayes

Un total de siete federaciones españoles llograron medaya nestos Xuegos. Les dos federaciones que más metales apurrieron son la FEDDF (deportistes con discapacidá física), con 11 preseas (8 plates y 3 bronces), y la FEDC (ciegos), con 4 oros, 4 plates y 1 bronce, para un total de 9 medayes. Deportistes de la RFEC (ciclismu) llograron 6 metales (2 d’oru y 4 de bronce), la FEDPC (deportistes con paralís cerebral) fízose con 4 medayes (1 oru, 2 plates y 1 bronce), la FETRI (triatlón) tamién consiguió 4 (1 oru, 1 plata y 2 bronces), ente que la FEDDI (discapacidá intelectual) apuntóse 1 medaya d’oru y la RFETM (tenis de mesa) 1 de bronce.


Teresa Perales

El gruesu de los metales españoles, como n’ediciones paralímpicas anteriores, foi en natación, que’l so equipu llogró 14 metales (2 oros, 9 plates y 3 bronces), per delantre del atletismu (4 oros, 4 plates y 1 bronce), el ciclismu (2 oros y 4 bronces), el triatlón (1 oru, 1 plata y 2 bronces), el yudu (1 plata), el tenis de mesa (1 bronce) y el tiru (1 bronce).

Como yá asocediera n’Atenes 2004, Pequín 2008, Londres 2012 y Ríu 2016, China afaró nel medallero, con un total de 207 metales (96 oros, 60 plates y 51 bronces), siguida de Gran Bretaña con 124 preseas (41 d’oru, 38 de plata y 45 de bronce) y Estaos Xuníos, 104 metales (37 oros, 36 plates y 31 bronces).

Medallero español nos Xuegos Paralímpicos de Tokio 2020

Asina queda’l medayeru español tres la finalización de los Xuegos Paralímpicos de Tokio 2020, con un total de 35 metales llograos:
Oru

Alfonso Cabello | Medaya d’oru (Contrarreló de les clases C4 y C5)
Susana Rodríguez y Sara Loehr | Medaya d’oru (Triatlón, clase PTVI)
Yassine Ouhdadi | Medaya d’oru (Atletismu, 5000 metros)
Kim López | Medaya d’oru (Atletismu, llanzamientu de pesu)
Michelle Alonso | Medaya d’oru (100 braza)
Gerard Descarrega y so guía Guillermo Coloráu | Medaya d’oru (400 metros T11)
Sergio Garrote | Medalla d’oru (Ciclismu en ruta, contrarreló)
Marta Fernández | Medaya d’oru (Natación, 50 braza)
Adiaratou Iglesias | Medaya d’oru (Atletismu, 100 metros)

Plata

Miguel Luque | Medaya de plata (Natación: 50 braza S3)
Toni Ponce | Medaya de plata (Natación: 50 llibres S5)
Óscar Salguero | Medaya de plata (Natación: 100 braza SB8)
Iñigo Llopis | Medaya de plata (Natación: 100 llombu S8)
Marta Fernández | Medaya de plata (Natación: 50 camparina S5)
Sergio Ibáñez | Medaya de plata (Yudu)
Toni Ponce | Medaya de plata (Natación: 100 m braza)
Héctor Catalá y Gustavo Rodríguez | Medaya de plata (Triatlón, clase PTVI)
Sara Martínez | Medaya de plata (Llargor T12)
Nuria Marqués | Medaya de plata (Natación, 100 llombu clase S9)
Teresa Perales | Medaya de plata (Natación, 50 llombu)
Sarai Gascón | Medaya de plata (Natación, 100 llibres, clase S9)
Miriam Martínez | Medaya de plata (Llanzamientu de pesu, clase F36)
Adiaratou Iglesias | Medaya de plata (Atletismu 400m T13)
Iván Canu | Medaya de Plata (Atletismu Llongitú T13)

Bronce

Álex Palomberu | Medaya de bronce (Triatlón, clase PTS4)
Ricardo Ten, Alfonso Pelo y Pablo Jaramillo | Medalla de bronce (Ciclismu en pista, velocidá por equipos)
Eva Moral | Medaya de bronce (Triatlón, clase PTWC)
Luismi Marquina | Medaya de bronce (Ciclismu en ruta, contrarreló)
Christian Venge y Noel Martín | Medaya de bronce (Ciclismu en ruta, contrarreló)
Sergio Garrote | Medaya de bronce (Ciclismu en ruta clase H2)
Álvaro Valera y Jordi Morales | Medaya de bronce (Tenis de mesa, clases 6-7)
Nuria Marqués | Medaya de bronce (Natación, 200 estilo clase SM9)
Sarai Gascón | Medaya de bronce (Natación, 100 camparina clase S9)
Marta Fernández | Medaya de bronce (Natación, 50 llibres clase S4)
Héctor Cabrera | Medaya de bronce (Llanzamientu de xabalina, clase F12)
Juan Antonio Saavedra | Medaya de bronce (Rifle Tendíu Mistu 50 metros)

Ceremonia de clausura

Los Xuegos Paralímpicos de Tokio 2020 dieron esti domingu’l testigu a los de París n’una idealista, colorida y musical ceremonia de clausura que llanzó’l deséu d’un futuru onde rellumen les diferencies ente les persones, tres 12 díes de competición con récords históricos de deportistes polo xeneral (4.527), muyeres deportistes (1.895, un 42% del total) y países con medaya (86).

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *