Publicado en Día de..., Sin categoría

Día Mundial de la Bicicleta

El Día Mundial de la Bicicleta, celébrase’l 3 de xunu de cada añu, gracies a un decretu de l´ONU, proclamáu nel añu 2018. L’oxetivu esencial de conmemorar esta fecha ye da-y más protagonismu a un mediu de tresporte como ye la bicicleta y que’l mesmu pueda sirvir pa desaniciar un pocu la crisis del mundu actual por cuenta de la contaminación y al cambéu climáticu que ta esperimentando’l planeta.

Magar, l´ONU promulgó’l 3 de xunu como’l Día Mundial de la Bicicleta, nun podemos ignorar el fechu de qu’esti día celebróse tradicionalmente el 19 d’abril, coles mires de promover l’usu d’esti mediu de tresporte sostenible, sanu y risonderu, y concenciar sobro los derechos de los ciclistes.

Orixe de la bicicleta

La bicicleta foi la resultancia d’una serie d’intentos fallíos para inventar un vehículu innovador y que dio como resultancia, esti maraviyosu mediu de tresporte. Apaeció a mediaos del sieglu XIX. N’Alemaña’l primer modelu taba fechu de madera, pero nun tuvo enforma ésitu yá que, pa ponela en marcha, había qu’emburriala colos pies.

Dempués inventáronse otres, que siguíen siendo rudimentaries, hasta l’añu 1861 cuando Ernest Michaux asocedióse-y la idea d’asitiar pedales delanteros y anque esto nun foi lo ideal, sirvió pa dar el primer pasu a la bicicleta actual.

 

L’usu de la bicicleta pa vivir nun planeta más sostenible

Nel pasáu, la bicicleta representó un importante mediu de tresporte, sicasí, nel mundu modernu, tresformóse nuna necesidá. Non cabo dulda, que, nestos tiempos, gracies a les meyores tecnolóxiques, esisten vehículos innovadores, súper forníos, pero que se convirtieron nuna verdadera amenaza pa la vida nel planeta, yá que espulsen axentes altamente contaminantes.

Tolo contrario a les tradicionales bicicletes, un senciellu, prácticu y ecolóxicu económicu mediu de tresporte que puede traer beneficios pa la salú y ayudar a menguar los elevaos índices de contaminación qu’afecten a La Tierra.

Asina mesmu, la bicicleta, puede tresformase nun escelente mediu pa la práctica del deporte yá que el so impactu sobro’l mediu ambiente ye 100% natural, a diferencia del que producen otros vehículos como los coches, les motocicletes o los microbuses o autobuses. En poques palabres, un mediu *totalmente sostenible pa los seres humanos.

 Les competiciones ciclistes más importantes del mundu

Ensin dulda, falar de bicicletes fainos pensar nes competiciones de ciclismu a nivel internacional. Anque la celebración d’esti día trata d´universalizar la bici como mediu de tresporte nes ciudaes pa la mayor cantidá de xente posible, lo cierto ye que munchos de nós esfrutemos de ver el Xiru d’Italia, o’l Tour Francia, y ello animónos a coyer la bici. Los ciclistes profesionales inspiráronnos y fixéronnos ver que la bici ye un mediu de tresporte col que de pueden encurtiar munches distancies.

Si falamos de competiciones de ciclismu a nivel internacional, hai trés que cada añu gocien de l’aceptación de miles de persones en tol mundu. La primera d’elles, ye’l Tour de Francia, un tornéu que dura trés selmanes, llenes de total adrenalina tanto pa los competidores como pa l’afición. Nella participen ciclistes de too el mundu. Les otres dos competiciones de mayor relevancia son el Xiru d’Italia y la Vuelta a España.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *