El restorán favoritu de José Andrés ta n’Asturies y sirven «les meyores fabones del mundu». El chef mierense percuerre España al pie de les sos fíes para amosar n’una docuserie de HBO Max los sos locales favoritos para comer.
- Fonte: Viajar.com /
Al chef mierense José Andrés encánta-y comer. Nun lo escuende. D’ende qu’el so oficiu xirara en redol a la cocina. Y en Asturies empezó tou. “Equí ye onde nací y onde empezó’l mio amor pola comida”, comentó’l chef a les sos fíes, que lu acompañen nun viaxe pola rexón para entender meyor la tierra natal del so padre. Nun viaxen solos. Fíxolo xuntu al equipu de grabación que rueda un documental para HBO onde’l chef quier dar a conocer los meyores platos, productos y restoranes d’España. Cataluña, Andalucía, Madrid, Valencia, Lanzarote y Asturies son los enclaves que visita la familia Andrés.
La parada asturiana de la docuserie céntrase en cuatro llugares: Cabu Vidio, Uviéu, San Feliz y los Picos d’Europa. Al pie de José Andrés y les sos trés fíes, Carlota, Inés y Lucía, apaecen trés chefs reputadaos n’Asturies, como son Nachu Manzano, que cunta con dos Estrelles Michelin pol so restorán Casa Marcial y la so muyer Duce Martínez, una de les cocineres más reconocíes de la rexón, y Marcos Morán, chef de Casa Gerardo. Precisamente Casa Gerardo ye’l resturante favoritu de José Andrés en tol mundu.
Allugáu en Priendes (Carreño), Casa Gerardo ye conocíu pola so cocina tradicional y la so selección de productos de proximidá. Unu de los sos platos estrella ye la fabada asturiana. Na docuserie, el chef cocina una xuntu con Pedro Morán y utilicen “les meyores fabones del mundu», según apuntó’l mierense. Desfáense «como mantequilla», añedió.
Yá na mesa, José Andrés esfrutó d’una bona fabada y de postre d’un arroz con lleche requemao. “Afitáivos nel azucre cruxiente, la lleche y l’arroz”, esplicaba José Andrés a les sos fíes animándoles a apreciar los sabores d’esti postre tan típicu n’Asturies.
