Publicado en Alimentos, Quesos

«Asturies Paraísu Natural International Cheese Festival» 3-6 Payares

  • «Asturies Paraísu Natural International Cheese Festival».
Mes de L´Internacionalización
El quesu ye un productu internacional, formando parte d’un fenómenu global. En menos d’un sieglu, la industria láctea, y collo la quesera, evolucionó d’un sector altamente rexionalizado, a una industria mundial gracies a dellos factores, como les meyores tecnolóxiques o la meyora del tresporte.
Los enclinos culturales internacionales tamién ayudaron a qu’esta globalización sía posible, convirtiendo’l quesu n’oxetu de cultu.
L’Asturies Paraísu Natural International Cheese Festival, al pie de los sos partners estratéxicos, sigue na mesma llínea fomentando esta internacionalización.
El Festival va cuntar con más de 4.000 quesos de 40 distintes nacionalidaes de los 5 continentes, amás de los 250 xueces internacionales que van valorar los quesos que participen nos World Cheese Awards , los premios a quesu con mayor sonadía internacional.
Amás, el calter internacional del Festival va quedar afiguráu nel Espaciu Orixe por aciu la participación de distintes certificaciones europees que van dar a conocer los sos productos singulares, nel II Foru para la Innovación Lactoquesera onde va haber ponentes internacionales y nel Cheese Market onde se van vender quesos tantu locales como estranxeros.
Coles mesmes, el Festival va cuntar cola asistencia cheese lovers que se van treslladar a Uviéu para la celebración del meet gastronómicu más importante del añu. A última hora, l´International Cheese Festival va ser el Festival de Quesu con mayor relevancia a nivel internacional.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *