Publicado en Curiosidaes, NATURA

El Cinturón de fueu, la zona de volcanes y sismos más activa del mundu

El cinturón de Fueu axunta al 75% de los volcanes del planeta y barganal del 90% de l’actividá sísmica a nivel mundial, este ye’l riesgu qu’esiste na zona.

Anque dende la superficie la Tierra lluza como una sola, na fondura de la so estructura hai capes y estructures que dan sentíu a la so evolución. Por casu, con una estensión de 40,000 kilómetros de llongura ta el cinturón de Fueu, una unión de delles plaques oceániques que faen d’esta la zona de volcanes y sismos más activa del mundu.

Esmuciéndose xustu per debaxo d’Asia y América, les plaques que conformen la Petrina de Fueu producen actividá sísmica y volcánica que pon en peligru a los habitantes d’alredor de 40 países distintos.

Na so mayoría, los terremotos o erupciones nun asoceden arbitrariamente. Esto significa que se xeneren en zones específiques, tales como les llendes de les plaques tectóniques. El cinturón de Fueu ye esactamente una zona que con frecuencia presenta actividá volcánica y sísmica por cuenta de que concentra les zones de *subducción más importantes del planeta.

El cinturón de Fueu o Aníu de Fueu alcontrase nel cantu de les mariñes del Océanu Pacíficu; empecipia en Chile, pasa per Centroamérica, México, Estaos Xuníos, les isles Aleutianes y baxa hasta les mariñes de Rusia, Xapón, Filipines y Taiwán para llegar hasta Nueva Zelanda.

Esta área rellaciónase directamente cola formación de grandes montes, una y bones la cadena tectónica qu’alluga ta en constante evolución. Tan solo nesa estensión concéntrase’l 75% de los volcanes del planeta y ende produzse barganal del 90% de l’actividá sísmica de too el mundu.

Dende fai más de 50 años, el cinturón de Fueu captó l’atención de los científicos. Les distintes plaques tectóniques que crean esti cinturón o aníu interactúen tantu que ye d’esperase fenómenos volcánicos y sísmicos. Sicasí, el ser humanu tuvo qu’aprender a lleer la naturaleza d’estos movimientos para intentar #preparar énte la so apaición.

Hasta agora sabemos que pueden producise pequenos sismos por actividá volcánica, que nun se comparen en magnitú con aquellos que produciríen les mesmes plaques tectóniques. De la mesma forma que se sabe qu’estos fenómenos esistieron per miles de millones d’años por cuenta de los procesos xeolóxicos de la Tierra.

Lo cual indica que´’l cinturón de Fueu yá ta activu, ta en movimientu, nunca paró. Lo que camuda ye que n’ocasiones lo percibimos y n’otres non. Tou depende del tipu de contactu ente les plaques o bien de l’actividá que rexistre un volcán na zona.

Sabemos qu’un sismo prodzse a decenes de kilómetros de fondura na Tierra. Tamién, pudo estremase qu’hai trés tipos de contactu ente les plaques que producen un movimientu telúricu: transcurrente, diverxente y converxente.

Nesti sentíu, recordemos que les plaques tectóniques nun son capes llixeres. Les plaques son bloques de roca inmensos, que namá precisen d’un llixeru movimientu n’unu de los sos fragmentos pa producir un sismo importante. N’esencia, les árees de riesgu van depender puramente de la fondura del movimientu, tipu y duración.

Tocantes a los volcanes, en tol cinturón de Fueu axunten los siguientes:

  • Volcán Puyehue – Chile
  • Volcán Tungurahua – Ecuador
  • Nevado del Ruiz – Colombia
  • Volcán de Fuego – Guatemala
  • Volcán Popocatépetl – México
  • Volcán Lassen Peak – Estados Unidos
  • Monte Hood – Estados Unidos
  • Monte Rainier – Estados Unidos
  • Monte Redoubt – Estados Unidos
  • Volcán Novarupta – Estados Unidos
  • Volcán Shiveluch – Rusia
  • Volcán Tolbachik – Rusia
  • Monte Fuji – Japón
  • Monte Unzen – Japón
  • Volcán Sakurajima – Japón
  • Monte Mayón – Filipinas
  • Volcán Sinabung – Indonesia
  • Volcán Tambora – Indonesia
  • Volcán Manaro Voui – Vanuatu

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *