Publicado en Día de...

Día Meteorolóxicu Mundial

El lema d’anguaño del Día Meteorolóxicu Mundial ye:

“L’océanu, el nuesu clima y el tiempu”

L’Océanu:
💨 Absuerbe ente un 30 y un 50% de les emisiones mundiales de CO2.
🌡️ Almacena más del 90% del escesu de calor xeneráu pol ser humanu.

L’océanu cubre alredor del 70 % de la superficie de la Tierra y ye unu de los principales condicionantes del tiempu y el clima del planeta. Tampoco puede escaecese la función trascendental que desempeña nel cambéu climáticu. Ye, coles mesmes, unu de los principales motores de la economía mundial, cuidao que ye la vía pola que transita más del 90 % del comerciu mundial y apurre sustentu al 40 % de la humanidá que vive a menos de 100 *km de la mariña. Conscientes d’ello, los Servicios Meteorolóxicos ya Hidrolóxicos Nacionales (SMHN) y los investigadores monitorean sistemáticamente l’océanu y la so evolución, para lo qu’ellaboren modelos de los sos efectos na atmósfera y empresten una amplia variedá de servicios marinos, por casu, en sofitu de la ordenación de les zones costeres y en favor de la seguridá de la vida nel mar. Na actualidá, les repercusiones del cambéu climáticu nun dexen d’aumentar, y pollo les observaciones, la investigación y los servicios oceánicos son más importantes que nunca.

Decade of Ocean Science

La tema del Día Meteorolóxicu Mundial —L’océanu, el nuesu clima y el nuesu tiempu— fai fincapié nel llabor que la Organización Meteorolóxica Mundial (OMM) desempeña a la de venceyar l’océanu, el clima y el tiempu nel marcu del sistema Tierra. Tamién quepe recordar qu’anguaño da empiezu’l Deceniu de les Naciones Xuníes de les Ciencies Oceániques para’l Desenvolvimientu Sostenible (2021-2030), que’l so oxetivu ye promover idees innovadores y tresformadores que dexen convertir la oceanografía n’una fonte d’información que sofite’l desenvolvimientu sostenible.

La OMM, en calidá d’organismu especializáu de les Naciones Xuníes para’l tiempu, el clima y l’agua, enfotase por ayudar a la sociedá a entender el venceyu indisociable ente océanu, clima y tiempu. Ello resulta d’utilidá pa entender el mundu nel que vivimos, incluyíos los efectos del cambéu climáticu, y refuerza la capacidá de los Miembros tantu pa salvar vides y protexer bienes, al amenorgar el riesgu de desastres, como pa velar pola viabilidá de les economíes.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *